'Lëvizja 8 Dhjetorit’, Topi: Klasa politike e tranzicionit nuk ndoqi në njëjtat ideale
TIRANË- Presidenti Bamir Topi ka përshëndetur sot 8 Dhjetorin, “Ditën Kombëtare të Rinisë”, duke e cilësuar një lëvizje studentore elitare idealiste, që pati kurajon t’i kundërvihej njërit prej regjimeve më staliniste në Evropë dhe të shpaloste një program kërkesash politike thellësisht demokratike dhe evropiane.
Kreu i shtetit i ka tërhequr vërejtje klasës politike pasi sipas tij demokracia në Shqipëri do të kishte qënë edhe më e fortë dhe integrimi euroatlantik edhe më i shpejtë, nëse klasa politike shqiptare e tranzicionit do ishte udhëhequr nga të njëjtat ideale.
‘Gjatë këtyre viteve është bërë përparim i dukshëm, demokracia dhe shteti i së drejtës kanë shënuar arritje, Shqipëria është vend anëtar në NATO dhe me prespektivë të qartë për anëtarësim në Bashkimin Evropian. Por, demokracia në Shqipëri do të kishte qënë edhe më e fortë dhe integrimi euroatlantik edhe më i shpejtë dhe i plotë, nëse klasa politike shqiptare e tranzicionit do të ishte udhëhequr në veprimet e saj nga të njëjtat parime idealiste dhe qytetare të Lëvizjes Studentore të vitit ‘90-të”,- vijon mesazhi i presidentit.
Kreu i shtetit u është drejtuar të gjithëve të rinjve me apelin për të pasur një rol aktiv shoqëror, për t’u dëgjuar zëri i tyre në çdo aspekt të vendimmarrjes politike dhe të sfidave të përbashkëta shoqërore.
BERISHA: ËNDRRA EUROPIANE U BË REALITET
Kryeministri Sali Berisha uroi sot të gjithë të rinjtë shqiptarë me rastin e Ditës Kombëtare të Rinisë.
Përmes një deklarate për mediat nga Franca, ku po ndjek punimet e Kongresit të XX të Partive Popullore Europiane, kryeministri Berisha përshëndeti të rinjtë dhe të rejat e Shqipërisë, të cilët i cilësoi si "forca më kryesore e demokracisë së vendit".
"Shqipëria është sot vite drite larg asaj që ishte në dhjetorin e '90-ës. Ju përcaktuat fitoren e qendrës të djathtë në vitin 2009, përcaktuat fitoren e parimeve të lëvizjes së dhjetorit në vitin 2011. Kam bindjen më të plotë se me energjinë, mençurinë, vizionin, përkushtimin dhe idealet e larta fisnike të dhjetorit '90 do të përcaktoni fitoren më të thellë të qershorit 2013",- deklaroi Berisha.
Kryeministri duke përkujtuar gjendjen në të cilën ndodhej vendi në dhjetorin e '90-ës, nënvizoi se diktaturat komuniste në Europë kishin rënë njëra pas tjetrës, ndërsa Shqipëria etiketohej si Kuba e Adriatikut.
Shefi i qeverisë shqiptare theksoi se ata që formësuan këtë lëvizje, sipas kryeministrit, e përmbushën me dinjitet të madh këtë mision, pasi Shqipëria 21 vjet më vonë është vite drite larg asaj që ishte në dhjetorin e '90, është anëtare e NATO-s.
"Ëndrra europiane e të rinjve të vendit u bë realitet, gjaku i atyre dhjetra, në mos qindra të rinjve dhe të rejave që u ekzekutuan barbarisht në '90 u bë dritë, dhe sot shqiptarët lëvizin të lirë në mbarë Europën", - përfundon mesazhin e tij kryeministri Berisha.
RAMA: KOHA QË DEMOKRACIA TË FITOJË PËR NJERËZIT
Në Ditën Kombëtare të Rinisë, kryetari i Partisë Socialiste Edi Rama theksoi se 21 vjet nga “Lëvizja e Dhjetorit” ka ardhur koha që demokracia të fitojë për njerëzit.
Përmes një mesazhi në rrjetin social “Twitter”, Rama thekson se “Në 8 dhjetor 1990 njerëzit nisën të fitojnë demokracinë. Sot ka ardhur koha që demokracia të fitojë për njerëzit.”
KUJTOHET SOT 8 DHJETORI, DITA KOMBËTARE E RINISË
Kujtohet sot 8 dhjetori, e njohur si Dita Kombëtare e Rinisë në kujtim të lëvizjes studentore të vitit 1990.
Më 8 dhjetor 1990, një grup studentësh e pedagogësh të Universiteteve të Tiranës, banorë të qytetit "Studenti", ishin iniciatorë të kthesës historike, protestave paqësore që sollën rënien e komunizmit dhe lindjen e demokracisë.
Me shprehjen “E duam Shqipërinë si gjithë Europa”, ata kërkuan ngritjen e sistemit të vlerave perëndimore dhe të shtetit të së drejtës; integrimin në Europë dhe garantimin e pluralizmit politik si bazë kryesore për një shoqëri të lirë e demokratike.
Dita e Rinisë Shqiptare, 8 Dhjetori, është shpallur nga Kuvendi i Shqipërisë si Dita Kombëtare e Rinisë, në kujtim të Lëvizjes Studentore të vitit 1990.
(el.me/er.nu/BalakanWeb) Lidhje te tjera Dita e Rinisë, AK: Koha për gjak të ri në politikë
Kreu i shtetit i ka tërhequr vërejtje klasës politike pasi sipas tij demokracia në Shqipëri do të kishte qënë edhe më e fortë dhe integrimi euroatlantik edhe më i shpejtë, nëse klasa politike shqiptare e tranzicionit do ishte udhëhequr nga të njëjtat ideale.
‘Gjatë këtyre viteve është bërë përparim i dukshëm, demokracia dhe shteti i së drejtës kanë shënuar arritje, Shqipëria është vend anëtar në NATO dhe me prespektivë të qartë për anëtarësim në Bashkimin Evropian. Por, demokracia në Shqipëri do të kishte qënë edhe më e fortë dhe integrimi euroatlantik edhe më i shpejtë dhe i plotë, nëse klasa politike shqiptare e tranzicionit do të ishte udhëhequr në veprimet e saj nga të njëjtat parime idealiste dhe qytetare të Lëvizjes Studentore të vitit ‘90-të”,- vijon mesazhi i presidentit.
Kreu i shtetit u është drejtuar të gjithëve të rinjve me apelin për të pasur një rol aktiv shoqëror, për t’u dëgjuar zëri i tyre në çdo aspekt të vendimmarrjes politike dhe të sfidave të përbashkëta shoqërore.
BERISHA: ËNDRRA EUROPIANE U BË REALITET
Kryeministri Sali Berisha uroi sot të gjithë të rinjtë shqiptarë me rastin e Ditës Kombëtare të Rinisë.
Përmes një deklarate për mediat nga Franca, ku po ndjek punimet e Kongresit të XX të Partive Popullore Europiane, kryeministri Berisha përshëndeti të rinjtë dhe të rejat e Shqipërisë, të cilët i cilësoi si "forca më kryesore e demokracisë së vendit".
"Shqipëria është sot vite drite larg asaj që ishte në dhjetorin e '90-ës. Ju përcaktuat fitoren e qendrës të djathtë në vitin 2009, përcaktuat fitoren e parimeve të lëvizjes së dhjetorit në vitin 2011. Kam bindjen më të plotë se me energjinë, mençurinë, vizionin, përkushtimin dhe idealet e larta fisnike të dhjetorit '90 do të përcaktoni fitoren më të thellë të qershorit 2013",- deklaroi Berisha.
Kryeministri duke përkujtuar gjendjen në të cilën ndodhej vendi në dhjetorin e '90-ës, nënvizoi se diktaturat komuniste në Europë kishin rënë njëra pas tjetrës, ndërsa Shqipëria etiketohej si Kuba e Adriatikut.
Shefi i qeverisë shqiptare theksoi se ata që formësuan këtë lëvizje, sipas kryeministrit, e përmbushën me dinjitet të madh këtë mision, pasi Shqipëria 21 vjet më vonë është vite drite larg asaj që ishte në dhjetorin e '90, është anëtare e NATO-s.
"Ëndrra europiane e të rinjve të vendit u bë realitet, gjaku i atyre dhjetra, në mos qindra të rinjve dhe të rejave që u ekzekutuan barbarisht në '90 u bë dritë, dhe sot shqiptarët lëvizin të lirë në mbarë Europën", - përfundon mesazhin e tij kryeministri Berisha.
RAMA: KOHA QË DEMOKRACIA TË FITOJË PËR NJERËZIT
Në Ditën Kombëtare të Rinisë, kryetari i Partisë Socialiste Edi Rama theksoi se 21 vjet nga “Lëvizja e Dhjetorit” ka ardhur koha që demokracia të fitojë për njerëzit.
Përmes një mesazhi në rrjetin social “Twitter”, Rama thekson se “Në 8 dhjetor 1990 njerëzit nisën të fitojnë demokracinë. Sot ka ardhur koha që demokracia të fitojë për njerëzit.”
KUJTOHET SOT 8 DHJETORI, DITA KOMBËTARE E RINISË
Kujtohet sot 8 dhjetori, e njohur si Dita Kombëtare e Rinisë në kujtim të lëvizjes studentore të vitit 1990.
Më 8 dhjetor 1990, një grup studentësh e pedagogësh të Universiteteve të Tiranës, banorë të qytetit "Studenti", ishin iniciatorë të kthesës historike, protestave paqësore që sollën rënien e komunizmit dhe lindjen e demokracisë.
Me shprehjen “E duam Shqipërinë si gjithë Europa”, ata kërkuan ngritjen e sistemit të vlerave perëndimore dhe të shtetit të së drejtës; integrimin në Europë dhe garantimin e pluralizmit politik si bazë kryesore për një shoqëri të lirë e demokratike.
Dita e Rinisë Shqiptare, 8 Dhjetori, është shpallur nga Kuvendi i Shqipërisë si Dita Kombëtare e Rinisë, në kujtim të Lëvizjes Studentore të vitit 1990.
(el.me/er.nu/BalakanWeb) Lidhje te tjera Dita e Rinisë, AK: Koha për gjak të ri në politikë