Libi, forcat e KTK-së kanë hyrë në Bani Valid

Forcat lojale të qeverisë së përkohshme raportohet se kanë hyrë në Bani Valid, që është njëri nga qytetet e fundit që i reziston qeverisjes së re të Këshillit Tranzicional Kombëtar në Libi.

AFP-ja e ka cituar një komandant që ka thënë se trupat e tij kishin hasur “në rezistencë të fuqishme” në Bani Valid, që është 170 kilometra në juglindje të kryeqytetit Tripoli.

Raportohet se gjendje është ende e tensionuar në luftimet në qytetin Sirte, që është vendlindja e Muamer Gadafit.

Një komandanti i Këshillit Tranzicional Kombëtar tha se trupat e Gadafit kishin ngadalësuar avancimin e tyre në këtë qytet.