Librat shkollore, shperndarja nis me 1 gusht

Tekstet shkollore do te fillojne te shperndahen ne te gjitha librarite qe jane autorizuar per kete shitje, ne fillim te muajit gusht. Ministra e Arsimit dhe Shkences, e ka marre kete vendim ne menyre qe te mos krijohen probleme ne radhe por edhe qe nxenesit te mos shkojne ne shkolle gjate diteve te para pa libra. "Pas perfundimit te perzgjedhjes se librave shkollore dhe realizimit te shtypjes se librave nga botuesit perkates, librat shkollore, do te jene ne pikat e shitjes, prane shkollave dhe ne librari, qe ne muajin gusht", thone burime nga MASH. Keshtu, vetem pas pak ditesh, te gjitha librarite te cilet jane te autorizuara te shesin tekstet shkollore, do te furnizohen me librat per arsimin baze 9-vjecar dhe ate te mesem. Pervec teksteve, keto librari do te tregtojne edhe altertekstet dhe per kete arsye Ministra e Arsimit, ka vendosur te rrise numrin e pikave ku do te tregtohen librat shkollore. Ky ka qene vendimi i marre nga institucioni i larte arsimor, i cili pas perfundimit te perzgjedhjes se librave, shtypjes se tyre do te nise fazen perfundimtare, ate te shperndarjes tek nxenesit. Shume shpejt, ne te gjitha shkollat e vendit do te afishohet nje njoftim per te saktesuar pikat e shitjes, lista e librave shkollore dhe botuesit e tyre. Gjithashtu, cdo shkolle do te kete te percaktuar piken e shitjes se librave shkollore, librat qe nxenesit do te perdorin per kete vit, si dhe shtepine botuese ne te cilen jane shtypur keto libra. Sipas te dhenave shitja e librit shkollore, do te vazhdoje ne keto librari per gjate gjithe vitit akademik, nderkohe qe keshillohet blerja e tyre gjate muajit te ardhshem, ne menyre qe te mos krijohen probleme ne mesimdhenie.