Ligji për diskriminimin, Berisha rrëzon propozimin e OJF, forcon pozitat e Dobjanit

Tiranë, 1 shkurt
NOA - Kryeministri Sali Berisha i ka dhënë fund debatit mbi kompetencat e
institucionit të ri që do të mbrojë qytetarët nga diskriminimi, bazuar në
projektligjin e ri që pritet të miratohet në kuvendin e Shqipërisë.

Në mbledhjen e
grupit të PD-së, Berisha ia ka dhënë këtë rol avokatit të popullit duke shpërfillur
në këtë mënyrë kërkesën e shoqërisë civile për të krijuar një institucion të
pavarur.

Por për të marrë
këtë rol, duhet ndryshuar ligji mbi funksionimin dhe rolin e avokatit të
popullit. Duke qenë se ligji kërkon shumicë cilësuese të deputetëve, 3 të
pestat e tij, për ndryshimet ligjore, Berisha ka shmangur parlamentin duke ia
kaluar këtë kompetencë një grupi të veçantë pune të varur nga kuvendi.

Gjatë mbledhjes së
dy komisioneve kuvendore, atij të integrimit dhe punës e çështjeve sociale,
shoqëria civile u përplas me avokatin e popullit duke kundërshtuar propozimin e
Dobjanit për të rrëmbyer kompetencën e komisionerit që do të mbrojë çështjet e
diskriminimit.

Sipas OJF,
komisioneri është përcaktuar dhe në rekomandimet e BE për Shqipërinë.

b.m/NOA