Ligji përmes objektivit

EULEX ka vendosur që, përmes një konkursi për fotografi, t’i shpërblejë tre fotografë lokalë. Ky mision bëri të ditur se si temë të këtij konkursi ka përzgjedhur Sundimin e Ligjit.

“Misioni për sundimin e ligjit, EULEX, shpall konkursin e fotografisë për vitin 2012, me temën: ‘Ligji Përmes Objektivit – E drejta dhe e padrejta’. Konkurrentët duhet të dorëzojnë fotografi, të cilat paraqesin ndikimin dhe rëndësinë e sundimit të ligjit në Kosovë. Konkurrentët mund të dorëzojnë deri në tri fotografi”, thuhet në njoftim.

Ndryshe, çmimi i parë është 1,000 euro dhe një udhëtim në Bruksel; çmimi i dytë 500 euro, ndërkaq i treti 250 euro. Njëlloj shpërblimi do ta ketë edhe për 30 fotografë të tjerë, ngase fotografitë e tyre do të ekspozohen në Prishtinë dhe në Bruksel.

“Afati për dorëzimin e punimeve është 8 prilli i këtij viti”, precizohet tutje në njoftimin e EULEX.

Të gjithë të interesuarit për pjesëmarrje në këtë konkurs duhet të konkurrojnë nërpërmes web-faqes së EULEX-it: www.eulex-kosovo.eu/photocontest, deri më 8 prill.