Lista e besnikëve të Berishës, bien mbështetësit e Topit, por dhe emra të spikatur të kësaj partie
Ashtu siç dhe ishte paralajmëruar, Partia Demokratike zyrtarizoi dje një listë zgjedhore, e përbërë kryesisht nga njerëz besnikë të kryetarit aktual, Sali Berisha.
Prej listës janë përjashtuar shumë nga deputetët aktualë të kësaj partie. Bie në sy se numri i atyre deputetëve që janë përjashtuar nga kjo parti është nga grupi që njihet si mbështetësit e presidentit Bamir Topi.
Por nuk janë vetëm mbështetësit e presidentit Topi që janë zbuar nga lista. Një emër i spikatur i së djathtës, si Preç Zogaj, është përjashtuar nga kandidimi. Të njëjtin fat ka pasur dhe Besnik Mustafaj, i cili e paratha këtë gjë para tri ditësh, kur shpalli tërheqjen nga politika.
Deputetët aktualë, që nuk janë njohur si mbështetës të presidentit, e që nuk përfaqësojnë as figura të forta politike, janë vendosur në zona të rrezikshme, me mundësi të mëdha për të mos fituar.
Duhet thënë se nga të shumtit e përjashtuar nga lista janë deputetët e Durrësit, i cili i dha një fitore domethënëse PD në zgjedhjet e kaluara.
Në listat e PD, në vendet e sigurta janë vendosur njerëz që njihen si besnikë të kryeministrit, Sali Berisha, dhe në pjesën më të madhe njerëzit që janë të implikuar në aferat ku shfaqet emri i djalit të kryeministrit, Sali Berisha.
Të diskriminuar nga lista janë dhe emra të tillë që mendoheshin favoritë para disa kohësh, si Arben Imami e Gjergj Bojaxhi. Në listën e PD ka mjaft nga këshilltarët e kryeministrit, Sali Berisha.
Disidenca e së djathtës
Bllokimi i listës deri në momentet e fundit duket se ka pasur një qëllim shumë të qartë, të mos lejojë largimin e deputetëve të PD drejt partive të tjera. Megjithatë, lista e PD është publikuar pak përpara mbylljes së afatit zyrtar, por nuk kanë munguar zërat se deputetë aktualë të saj mund të largohen. Një prej tyre është Preç Zogaj, i cili ka deklaruar se mund të bashkohet me partinë e Spartak Ngjelës. Po ashtu, lista e LZHK ka qëndruar e hapur për të pritur të tillë emra.
Kryeministri, Sali Berisha, përdori një hile elektorale, por që u bë e lexueshme, duke u marrë të gjithë deputetëve firmën me një deklaratë, sipas së cilës ata janë të gatshëm që të kandidohen. Një gjë e tillë i ka mbajtur ata fillimisht pezull. Por shpresat janë shuar përfundimisht dje.
Për t’u theksuar është që ka pasur dhe nga ata deputetë që e kanë pasur emrin të sigurt në listë, e megjithatë kanë patur dyshime të forta deri në momentin e fundit.
Berisha kandidon Sterkajn, e pati quajtur “bir bushtre” në Kuvend
Në listën e Partisë Demokratike për qarkun e Shkodrës, në një vend të sigurt do të jetë dhe Paulin Sterkaj, që në zgjedhjet e vitit 2005 kandidoi nën siglën e PS dhe ishte një nga emrat që u lakua më shumë në media, por dhe në raportet ndërkombëtare si grupi i njerëzve me pará dhe financime të dyshimta në fushatë.
Megjithatë, Sterkaj do të mbahet mend si dora e fortë e Edi Ramës gjatë zgjedhjeve lokale të vitit 2007. Ndaj tij u hodhën jo pak akuza nga mazhoranca.
Por kulmi i përplasjes Berisha-Sterkaj ishte gjatë një seance parlamentare, kur kryeministri, Sali Berisha, sulmoi deputetët e opozitës si të lidhur me krimin. Në këto momente, deputeti socialist, Paulin Sterkaj, reagoi duke shkuar drejt podiumit ku ndodhej Berisha. Ky i fundit iu drejtua duke i thënë: “Unë të çaj kafkën mor bir bushtre”. Kamerat nuk arritën ta fokusojnë qartë këtë moment, por fjalët u dëgjuan mjaft mirë. Sterkaj, i irrituar në maksimum, iu përgjigj Berishës duke i thënë: “Ti bushtrën e ke në familje”.
Sterkaj ishte pjesë e grupit të deputetëve që lanë Partinë Socialiste dhe që votuan për presidentin e ri, të dalë nga PD. I njohur si përkrahës i Nanos, ai shpesh shihej si një njeri që mund të përdorej si pakicë kërcënuese ndaj nismave të Ramës.
Lista e Berishës, tentativë për të përçarë minoritetin grek
Lista e Partisë Demokratike është qartësisht një përpjekje për të krijuar përçarje në minoritetin grek.
Në listën e demokratëve janë përfshirë dhe dy zyrtarë të partisë që pretendon se përfaqëson këtë minoritet, Partisë Bashkimi për të Drejtat e Njeriut.
Bëhet fjalë për Spiro Kserën dhe Kosta Barkën që kanë deklaruar divorcin e tyre me Vangjel Dulen. PBDNJ ka dalë në koalicion me Partinë Socialiste.
Prej kohësh kryeministri, Sali Berisha, po bën presion ndaj kësaj partie, që ajo të përfshihet në koalicionin e djathtë.
Por PBDNJ ka kritikuar vazhdimisht qeverisjen e Berishës, edhe pse ka pasur një përfaqësues të saj në ekzekutiv.
Dule para pak ditësh hodhi akuza shumë të rënda ndaj kryeministrit, Sali Berisha, duke thënë se ai është përpjekur që të përçajë Partinë Bashkimi për të Drejtat e Njeriut. Një gjë e tillë mund të acarojë marrëdhëniet e Berishës me minoritetin grek e më tej.
Para pak ditësh, një gjykatë e Vlorës, nën ndikimin e ministrit aktual të Drejtësisë, dënoi me gjashtë muaj burg kryetarin e Bashkisë së Himarës, Vasil Bollano.
Kandidati i PD, Kosta Barka, i treti ministër i Berishës që merret i pandehur
Në listën e Partisë Demokratike do të jetë dhe Kosta Barka, që ka mbajtur postin e ministrit të Punës dhe Çështjeve Sociale deri para pak kohësh.
Një fakt për t’u theksuar është që edhe ministri Kosta Barka është thirrur si i pandehur, duke e çuar në tre numrin e ministrave të kabinetit Berisha që merren si të pandehur.
Kosta Barka, ish-ministër i Punës dhe Çështjeve Sociale, është thirrur i pandehur nga prokuroria e Beratit. Mbi të rëndon akuza e shpërdorimit të detyrës për abuzimin me fondet e qendrës së fëmijëve të ngujuar në Poliçan. Çështja doli në dritë muaj më parë, ndërsa prokuroria nisi hetimet. Sipas akuzës, abuzimi me fondet është bërë gjatë periudhës që ai ka qenë në krye të ministrisë.
Problemi u ngrit nga drejtoresha e atëhershme e qendrës së fëmijëve të ngujuar, që deklaroi se fëmijët nuk kishin ushqim dhe iu bëri thirrje prindërve që t'i merrnin pranë familjeve, pavarësisht situatës në të cilën ndodheshin.
KKRT del vetë në fushatë, “harron” se do e monitorojë atë
Kryetarja e Këshillit Kombëtar të Radiotelevizioneve, Mesila Doda, dhe një anëtar i këtij bordi, Altin Ndroqi, do të jenë në listat e Partisë Demokratike. Kështu, institucioni që do të ketë për detyrë të monitorojë mediet gjatë kësaj fushate, do e ketë vetë kreun e saj të angazhuar thellësisht. Doda, e cila ka punuar si zëdhënëse e ish-kryeministrit, Ilir Meta, u përfshi në mënyrë të habitur në këtë listë. Doda nuk ka dhënë dorëheqjen nga detyra e saj e madje parlamenti nuk e ka zëvendësuar atë.
Gratë e PD, në vendet e pasigurta të listave
Edhe pse ishte premtuar se këto do të ishin zgjedhjet ku do u jepej një shans më i madh grave, duket se sërish ato do të jenë larg pritshmërisë për t’u zgjedhur deputete.
Shumë pak prej tyre janë vendosur në vende të sigurta të listës së deputetëve. Shumica kanë përfunduar në vendet e fundit të listës së Partisë Demokratike, duke mos pasur asnjë shans përfaqësimi. Duket se PD mund të ketë pesë ose gjashtë deputete femra, çka nuk është asnjëherë 30% e kërkesës së grave.
Lista e kandidatëve të Partisë Demokratike
Tiranë
Sali Berisha
Aldo Bumçi
Rajmonda Bulku
Bujar Nishani
Majlinda Bregu
Gert Bogdani
Genti Strazimiri
Florian Mima
Ilir Rusmali
Myqerem Tafaj
Luan Skuqi
Tritan Shehu
Viktor Gumi
Arben Imami
Lajla Përnaska
Vath Tabaku
Jorida Tabaku
Edit Harxhi
Altin Ndroqi
Kastriot Sulko
Gani Rramolli
Taulant Bino
Ermal Domi
Gjergji Bojaxhiu
Indrit Fortuzi
Arben Qirjako
Ferdinand Shehu
Jera Kruja
Arta Sakja
Migena Rexhi
Keltis Kruja
Ylber Vata
Vlorë
Astrit Patozi
Arian Kollozi
Leonard Demi
Kreshnik Çipi
Kosta Barka
Laureta Bejkosala
Bujar Leskaj
Glori Husi
Nexhmije Xhuveli
Agron Shehu
Elsa Gjini
Lorena Imeri
Gjirokastër
Genc Ruli
Spiro Ksera
Arben Çuli
Teuta Kalemi
Pëllumb Pecani
Berat
Genc Pollo
Mehmet Xheka
Lefter Maliqi
Thoma Rumnishi
Bujar Hoxha
Miranda Haxhia
Dhori Kule
Edie Poni
Kukës
Flamur Noka
Besnik Dusha
Fatos Hoxha
Evelina Koldashi
Durrës
Ferdinand Xhaferri
Albana Vokshi
Gazmend Oketa
Ylli Lato
Osman Metalla
Eduard Halimi
Igli Cara
Ndriçim Babasi
Sami Gjergji
Liljana Kola
Eglantina Bekteshi
Dardan Domi
Besa Qese
Fier
Sokol Olldashi
Ilir Bano
Mesila Doda
Enkelejd Alibeaj
Vasillaq Ndresi
Fatos Beja
Eno Bozdo
Blerim Koreshi
Ramadan Krasniqi
Ferdinand Murati
Daut Sulaj
Vasilika Hysi
Majlinda Verria
Stavri Ristani
Nevila Bani
Suzana Numani
Korçë
Ridvan Bode
Gjergji Papa
Ledina Ajolli
Edmond Spaho
Fatbardh Kadilli
Ismail Hoxha
Elfrida Zefi
Jonela Spaho
Eduard Ypi
Alfred Gega
Niko Dudo
Zinet Shaolli
Elbasan
Lulzim Basha
Ardian Turku
Adriana Gjonaj
Raim Çota
Dashnor Sula
Luçiano Boçi
Sybi Hida
Aurel Bylykbashi
Bexhet Uruçi
Mimoza Asekiu
Blerina Çote
Erind Bakalli
Valdete Kongoli
Qamil Dika
Shkodër
Jozefina Topalli
Astrit Bushati
Arenca Trashani
Gëzim Dibra
Gjok Uldedaj
Paulin Sterkaj
Ndue Paluca
Gjovalin Çuli
Ramiz Çobaj
Shpresa Tepelia
Fatbardh Spahia
Dibër
Jemin Gjana
Shrefedin Shehu
Bedri Hoxha
Selami Xhepa
Liljana Bulku
Idriz Xhumara
Deputetët e PD që nuk janë në listë
Rexhep Uka
Aleksandër Biberaj
Preç Zogaj
Pal Dajçi
Sali Shehu
Rahim Kaleci
Shkëlqim Ziri
Flori Bajramaj
Genc Juka
Ylli Pango
Gëzim Karapici
Safet Sulaj
Baki Shehi
Engjëll Cara
Blerim Çela
Mevlan Xhindoli
Mehmet Hoxha
Të rrezikuar
Fatos Hoxha
Gjovalin Prenga
Idriz Xhomara
Nriçim Babasi
Sami Gjergji
Ramiz Çobaj
Deputetë të larguar
Gilman Bakalli
Nard Ndoka
Spartak Ngjela
Besnik Mustafaj