Liverpool, pas Afellayt

Sipas medieve angleze, Liverpool është duke përcjellë me vëmendje situatën e Ibrahim Afellayt në Barcelonë, pasi mesfushori holandez nuk ka arritur të lërë gjurmë në fillimin e aventurës së tij në Nou Camp. Afellay iu bashkua Barcelonës në janar pasi kërkohej edhe nga Liverpooli, Evertoni dhe Arsenali, por vendosi të shkojë në Spanjë. Mirëpo, prej asaj kohe ai nuk ka arritur të zërë vend në formacionin bazë të Pep Guardiolas dhe nuk ka bërë asnjë paraqitje në La Liga. Ndërsa, Liverpool është duke monitoruar Afellayn dhe do të bëjë përpjekje për transferimin e tij gjatë afatit kalimtar të verës, nëse deri atëherë nuk ndërron statusi i tij te gjiganti katalan.