Putin në mars në Beograd
Nga Express më 19 shkurt 2011 në ora 16:00
Kryeministri i Rusisë, Vladimir Putin, do të vizitojë nga mesi i marsit Serbinë, kanë njoftuar burimet e afërta me qeverinë serbe.
Informata se Putin do të vizitojë së shpejti Serbinë është konfirmuar edhe nga ambasada ruse në Beograd.
Siç u theksua, pala ruse është duke zhvilluar konsultime me palën serbe dhe gjatë javëve në vijim do të bëhet e ditur se kur do të realizohet kjo vizitë.
Putin për herë të fundit ka vizituar Serbinë në vitin 2001, kur ishte ende president i Rusisë.
Presidenti aktual i Rusisë, Dimitri Medvedev, ka qëndruar në Beograd në tetor të vitit 2009.