Liverpul, Torres mbron Benitezin

Liverpuli nuk po ecën mirë: i 8-ti në Premier League dhe i eliminuar nga Champions League. Një dështimi i paparë prej shumë vitesh. Trajneri Rafa Benitez është më i rrezikuari, por për ta mbrojtur mendon sulmuesi i tij, Fernando Torres. "Zgjidhja besoj se nuk është largimi i trajnerit. Jemi ne lojtarët ata që duhet të luajmë më mirë dhe që duhet të bëjmë gjithçka për të dalë nga kjo krizë. Përforcimet? Sigurisht nevojiten, por nuk e di se sa është në gjendje klubi të shpenzojë. Shpresoj në ardhjen e lojtarëve me kualitet...".