Liverpuli thyen Leicesterin, fiton edhe Arsenali

Me një ndeshje më pak të luajtur se lideri Manchester City, Liverpool po përpiqet të mbajë hapur Premier League duke çuar potencialisht Citizens në -6: Leicester duhet të dorëzohet 2-0 në Anfield pasi pësoi një gol në çdo pjesë loje. Në të 7′ një mundësi e shkëlqyer për “Dhelprat”, me Maddison që hyn në zonë dhe godet fort në portë: Alisson me një refleks të mrekullueshëm e dërgon në këndore.

Në frontin e kundërt, Alexander-Arnold jep përgjigje, Schmeichel I thotë jo. Gjithsesi, Reds kalojnë në avantazh në minutën e 34-të: goditje nga këndi e Alexander-Arnold, Van Dijk qëndron më lart se të gjithë, por gjen Schmeichel, që e refuzon gjuajtjen e tij, por Diogo Jota përfiton duke e dërguar topin në rrjetë. Portugezi, tre minuta para përfundimit të sfidës, ka arritur të shënojë dhe golin e dytë personal, që mbylli dhe sfidën.

Në sfidën tjetër të mbrëmjes në Premier League, Arsenali ka arritur të marrë tri pikë të arta në fushën e Ëolves, që e ngjisin në vendin e pestë në klasifikim. Gjithçka është vendosur në minutën e 25-të të kësaj sfide me golin e Gabriel. Gunners në minutën e 69-të mbetën me një lojtar më pak, karton I kuq për Martinelli. Gjithsesi, formacioni I trajnerit Arteta ka arritur të ruajë avantazhin deri në fund.