Lobimi në GJND, Kosova fitore 3-1 ditën e parë
Autori i Lajmit: Redaksia
Hagë - Dita e dytë e shqyrtimit të ligjshmërisë së deklaratës së pavarësisë së Kosovës, në Gjykatën Ndërkombëtare të Drejtësisë në Hagë, shënon fillimin e paraqitjes së qëndrimeve që shtetet kanë mbi këtë deklaratë. Vendi i parë që doli në mbështetje të Kosovës ishte Shqipëria, ambasadori i së cilës në Holandë, Gazmend Barbullushi, foli për suprimimin e dhunshëm të autonomisë së Kosovës në vitin 1989. Ky vendim për heqjen e autonomisë, sipas ambasadorit shqiptar, “u pasua me dhunë e represion nga Serbia deri në vitin 1999, duke pasur për synim spastrimin etnik të Kosovës nga shqiptarët”. “Sot Kosova është një shtet multietnik dhe i zotuar për parimet e demokracisë. Ajo është shndërruar në një faktor stabiliteti në rajon”, - tha ambasadori i Shqipërisë në Holandë, Gazmend Barbullushi. Në emër të Shqipërisë, ka folur edhe eksperti Johan Frovein, i cili ka tërhequr vërejtjen se Kosovën deri më tani e kanë njohur 63 vende dhe këto “njohje nuk mund të kontestohen nga aspekti i së drejtës ndërkombëtare”. Ajo që është e kontestueshme, sipas tij, “është e drejta e Gjykatës Ndërkombëtare për të vendosur mbi shpalljen e pavarësisë së Kosovës”. Zoti Frovein tha se “edhe nëse Gjykata Ndërkombëtare e Drejtësisë do të jepte një mendim negativ për shpalljen e pavarësisë, ajo nuk do të mund të ndryshonte gjendjen faktike në Kosovë”.
Gjermania
Edhe Gjermania ka mbajtur një qëndrim të fuqishëm në favor të Kosovës. Atë e ka prezantuar Suzan Vasum Rainer, e cila ka folur për diskriminimin në Kosovë nga ana e autoriteteve serbe. Në këtë kontekst, ajo ka vlerësuar se “shpallja e pavarësisë ka qenë në harmoni me ligjin dhe të drejtën ndërkombëtare”. “Gjermania konsideron se pavarësia e Kosovës i ka kontribuar stabilitetit në Ballkan. Shpallja e pavarësisë nuk është bërë nga institucionet e përkohshme, por nga institucionet e zgjedhura në rrugë demokratike, që kanë artikuluar vullnetin e popullit”, - ka zonja Vasum Rainer. Sipas saj, “Kosova është një rast i veçantë” dhe sa për shpalljen e pavarësisë, ajo ka thënë se “e drejta ndërkombëtare nuk është kompetente të vlerësojë, sepse këtë çështje nuk e ka të sanksionuar”. Edhe përfaqësuesja e Gjermanisë ka pohuar se Rezoluta 1244 nuk përmban asnjë element me anë të të cilit do të mund të ndalonte pavarësimin e Kosovës. “Shpallja e pavarësisë nuk përbën shkelje të Rezolutës 1244. Kosova përmbush kushtet për të qenë e pavarur, sepse ka popullatën, territorin dhe qeverinë e vet”, - tha Suzan Vasum Rainer. Duke e vlerësuar pavarësinë e Kosovës si një fakt të kryer, i cili smund të injorohet, përfaqësuesja e Gjermanisë ka thënë se “parimi i vetëvendosjes në rastin e Kosovës është i pranueshëm si zgjidhja e fundit dhe e vetmja e mundshme për shkak të diskriminimit, shkeljeve masive dhe të të drejtave të njeriut”. Për njohjen e shtetësisë së Kosovës nga vendet e rajonit, zonja Vasum-Rainer ka thënë se kjo ka dëshmuar faktin se këto vende i besojnë aftësisë së Kosovës për ti kontribuar stabilitetit. Në mbyllje, ajo ka përkujtuar 20-vjetorin e rënies së Murit të Berlinit, duke e cilësuar atë si “ushtrim të së drejtës për vetëvendosje të popullit gjerman”.
Arabia Saudite
Oratori i radhës ka qenë ambasadori i Arabisë Saudite në Holandë, Abdullah Al -Shagrud. Ai ka thënë se duke njohur pavarësinë e Kosovës, Arabia Saudite ka respektuar vullnetin politik të popullit të Kosovës për të qenë i pavarur, duke i kontribuar stabilitetit në rajon. Përfaqësuesi i Arabisë Saudite ka ftuar GJND-në që të ketë parasysh faktin se pavarësia e Kosovës i ka kontribuar stabilitetit të vendit dhe të rajonit.
“Kosova multietnike, precedent stabiliteti”
Ambasadori Shqipërisë në Holandë, Gazmend Barbullushi, para trupit gjykues ndër të tjera tha: "20 vjet më parë, në vitin 1989 Kosovës iu hoq në mënyrë ilegale autonomia dhe e drejta për vetëvendosje, e cila parashikohej në Kushtetutën e vitit 1974. Dhjetë vite më parë, në vitin 1999, kosovarët iu nënshtruan pastrimit më të madh etnik që prej Luftës së Dytë Botërore. Mijëra prej tyre u vranë dhe u zhdukën, ndërkohë që dhjetëra mijëra shtëpi u dogjën ose u shkatërruan. Rreth 1,5 milion kosovarë janë larguar në vitin 1999 nga shtëpitë e tyre. Shqipëria u detyrua të pranojë rreth 700.000 prej tyre. Kosova sot është vend i pavarur dhe multietnik, shtet ku sundojnë demokracia dhe ligji, ku respektohen të drejtat e të gjithë qytetarëve të saj. Kosova po jep kontributin e saj për paqe dhe stabilitet".
Argjentina, zëri kundër në ditën e parë
Hagë - Në seancën e djeshme ishte vetëm Argjentina ajo që e ka kundërshtuar shpalljen e pavarësisë së Kosovës. Përfaqësuesja e saj, Suzana Ruiz Çeruti, e ka cilësuar deklaratën e pavarësisë në kundërshtim me Rezolutën 1244 të Këshillit të Sigurimit. Argumentimin e saj ajo e ka bazuar në, siç ka thënë, faktin se “shpallja e pavarësisë së Kosovës nuk është në harmoni me Rezolutën 1244, sepse kështu është ndërprerë procesi politik që do të sillte deri tek marrëveshja ndërmjet dy palëve, si zgjidhje e vetme e mundshme dhe e pranueshme”. Zonja Çeruti ka pohuar se “dokumenti nga Rambueja nuk parashikon të drejtën e pavarësimit të Kosovës”. Përfaqësuesja e Argjentinës ka shtuar se “shkelja e të drejtave të njeriut nuk justifikon të drejtën e shkëputjes së një vendi, por vetëm rikthimin e këtyre të drejtave të shkelura”. Për dallim nga folësit tjerë, ajo ka thënë se është pikërisht GJND-ja ajo që është kompetente të vendosë për këtë çështje. ”Pavarësia e Kosovës ka shkelur parimin e integritetit territorial dhe nuk është në harmoni me të drejtën e popujve për vetëvendosje”, ka përfunduar përfaqësuesja e Argjentinës, Suzana Ruiz Çeruti. Gjithsej, janë gjithsej 28 shtete që kanë deponuar qëndrimet e tyre deri më tani, pro dhe kundër deklaratës së pavarësisë. Sot, në seancën dëgjimore do të paraqitet fillimisht Austria, pastaj Azerbajxhani, Bahrejni dhe Bjellorusia.
Ky lajm është publikuar: 03/12/2009
Hagë - Dita e dytë e shqyrtimit të ligjshmërisë së deklaratës së pavarësisë së Kosovës, në Gjykatën Ndërkombëtare të Drejtësisë në Hagë, shënon fillimin e paraqitjes së qëndrimeve që shtetet kanë mbi këtë deklaratë. Vendi i parë që doli në mbështetje të Kosovës ishte Shqipëria, ambasadori i së cilës në Holandë, Gazmend Barbullushi, foli për suprimimin e dhunshëm të autonomisë së Kosovës në vitin 1989. Ky vendim për heqjen e autonomisë, sipas ambasadorit shqiptar, “u pasua me dhunë e represion nga Serbia deri në vitin 1999, duke pasur për synim spastrimin etnik të Kosovës nga shqiptarët”. “Sot Kosova është një shtet multietnik dhe i zotuar për parimet e demokracisë. Ajo është shndërruar në një faktor stabiliteti në rajon”, - tha ambasadori i Shqipërisë në Holandë, Gazmend Barbullushi. Në emër të Shqipërisë, ka folur edhe eksperti Johan Frovein, i cili ka tërhequr vërejtjen se Kosovën deri më tani e kanë njohur 63 vende dhe këto “njohje nuk mund të kontestohen nga aspekti i së drejtës ndërkombëtare”. Ajo që është e kontestueshme, sipas tij, “është e drejta e Gjykatës Ndërkombëtare për të vendosur mbi shpalljen e pavarësisë së Kosovës”. Zoti Frovein tha se “edhe nëse Gjykata Ndërkombëtare e Drejtësisë do të jepte një mendim negativ për shpalljen e pavarësisë, ajo nuk do të mund të ndryshonte gjendjen faktike në Kosovë”.
Gjermania
Edhe Gjermania ka mbajtur një qëndrim të fuqishëm në favor të Kosovës. Atë e ka prezantuar Suzan Vasum Rainer, e cila ka folur për diskriminimin në Kosovë nga ana e autoriteteve serbe. Në këtë kontekst, ajo ka vlerësuar se “shpallja e pavarësisë ka qenë në harmoni me ligjin dhe të drejtën ndërkombëtare”. “Gjermania konsideron se pavarësia e Kosovës i ka kontribuar stabilitetit në Ballkan. Shpallja e pavarësisë nuk është bërë nga institucionet e përkohshme, por nga institucionet e zgjedhura në rrugë demokratike, që kanë artikuluar vullnetin e popullit”, - ka zonja Vasum Rainer. Sipas saj, “Kosova është një rast i veçantë” dhe sa për shpalljen e pavarësisë, ajo ka thënë se “e drejta ndërkombëtare nuk është kompetente të vlerësojë, sepse këtë çështje nuk e ka të sanksionuar”. Edhe përfaqësuesja e Gjermanisë ka pohuar se Rezoluta 1244 nuk përmban asnjë element me anë të të cilit do të mund të ndalonte pavarësimin e Kosovës. “Shpallja e pavarësisë nuk përbën shkelje të Rezolutës 1244. Kosova përmbush kushtet për të qenë e pavarur, sepse ka popullatën, territorin dhe qeverinë e vet”, - tha Suzan Vasum Rainer. Duke e vlerësuar pavarësinë e Kosovës si një fakt të kryer, i cili smund të injorohet, përfaqësuesja e Gjermanisë ka thënë se “parimi i vetëvendosjes në rastin e Kosovës është i pranueshëm si zgjidhja e fundit dhe e vetmja e mundshme për shkak të diskriminimit, shkeljeve masive dhe të të drejtave të njeriut”. Për njohjen e shtetësisë së Kosovës nga vendet e rajonit, zonja Vasum-Rainer ka thënë se kjo ka dëshmuar faktin se këto vende i besojnë aftësisë së Kosovës për ti kontribuar stabilitetit. Në mbyllje, ajo ka përkujtuar 20-vjetorin e rënies së Murit të Berlinit, duke e cilësuar atë si “ushtrim të së drejtës për vetëvendosje të popullit gjerman”.
Arabia Saudite
Oratori i radhës ka qenë ambasadori i Arabisë Saudite në Holandë, Abdullah Al -Shagrud. Ai ka thënë se duke njohur pavarësinë e Kosovës, Arabia Saudite ka respektuar vullnetin politik të popullit të Kosovës për të qenë i pavarur, duke i kontribuar stabilitetit në rajon. Përfaqësuesi i Arabisë Saudite ka ftuar GJND-në që të ketë parasysh faktin se pavarësia e Kosovës i ka kontribuar stabilitetit të vendit dhe të rajonit.
“Kosova multietnike, precedent stabiliteti”
Ambasadori Shqipërisë në Holandë, Gazmend Barbullushi, para trupit gjykues ndër të tjera tha: "20 vjet më parë, në vitin 1989 Kosovës iu hoq në mënyrë ilegale autonomia dhe e drejta për vetëvendosje, e cila parashikohej në Kushtetutën e vitit 1974. Dhjetë vite më parë, në vitin 1999, kosovarët iu nënshtruan pastrimit më të madh etnik që prej Luftës së Dytë Botërore. Mijëra prej tyre u vranë dhe u zhdukën, ndërkohë që dhjetëra mijëra shtëpi u dogjën ose u shkatërruan. Rreth 1,5 milion kosovarë janë larguar në vitin 1999 nga shtëpitë e tyre. Shqipëria u detyrua të pranojë rreth 700.000 prej tyre. Kosova sot është vend i pavarur dhe multietnik, shtet ku sundojnë demokracia dhe ligji, ku respektohen të drejtat e të gjithë qytetarëve të saj. Kosova po jep kontributin e saj për paqe dhe stabilitet".
Argjentina, zëri kundër në ditën e parë
Hagë - Në seancën e djeshme ishte vetëm Argjentina ajo që e ka kundërshtuar shpalljen e pavarësisë së Kosovës. Përfaqësuesja e saj, Suzana Ruiz Çeruti, e ka cilësuar deklaratën e pavarësisë në kundërshtim me Rezolutën 1244 të Këshillit të Sigurimit. Argumentimin e saj ajo e ka bazuar në, siç ka thënë, faktin se “shpallja e pavarësisë së Kosovës nuk është në harmoni me Rezolutën 1244, sepse kështu është ndërprerë procesi politik që do të sillte deri tek marrëveshja ndërmjet dy palëve, si zgjidhje e vetme e mundshme dhe e pranueshme”. Zonja Çeruti ka pohuar se “dokumenti nga Rambueja nuk parashikon të drejtën e pavarësimit të Kosovës”. Përfaqësuesja e Argjentinës ka shtuar se “shkelja e të drejtave të njeriut nuk justifikon të drejtën e shkëputjes së një vendi, por vetëm rikthimin e këtyre të drejtave të shkelura”. Për dallim nga folësit tjerë, ajo ka thënë se është pikërisht GJND-ja ajo që është kompetente të vendosë për këtë çështje. ”Pavarësia e Kosovës ka shkelur parimin e integritetit territorial dhe nuk është në harmoni me të drejtën e popujve për vetëvendosje”, ka përfunduar përfaqësuesja e Argjentinës, Suzana Ruiz Çeruti. Gjithsej, janë gjithsej 28 shtete që kanë deponuar qëndrimet e tyre deri më tani, pro dhe kundër deklaratës së pavarësisë. Sot, në seancën dëgjimore do të paraqitet fillimisht Austria, pastaj Azerbajxhani, Bahrejni dhe Bjellorusia.
Ky lajm është publikuar: 03/12/2009