Lohan: BE per Ballkanin, spirance per demokracine
Ne lidhje me faktin se perse Bashkimi Evropian duhet te zgjerohet pertej kufijve te tij te sotem, Lohan ka pohuar se BE-ja eshte nje zone e vlerave te perbashketa. Sipas tij, kur flasim per BE-ne duhet qe te gjithe te kemi te qarte konceptin e vlerave qe ekziston pas fjales Bashkimi Evropian vlera te cilat jane paqja, demokracia, dhe liria. "Ajo qe eshte e rendesishme per ne ne Bashkimin Evropian eshte stabiliteti, i cili duhet te jete i bazuar mbi keto tri vlera", ka pohuar Lohan gjate takimit ne universitetin e Gjirokastres. Nderkohe aspiraten e Shqiperise dhe vendeve te tjera te rajonit, per t'u bere pjese e integrimit ne BE, Lohan e ka justifikuar me faktin se "BE-ja per keto vende, do te jete nje spirance per stabilitetin dhe demokracine, te stabilizohet nje sistem i qeverisjes se mire dhe te fuqizohet shteti i se drejtes". Sipas tij, keto vende aspirojne per te qene anetare te BE-se, pasi ne kete menyre rritet besimi tek institucionet, qeveria, administrata, gjyqesori. Nje arsye tjeter eshte ajo qe ka te beje me te pasurin e mundesise per te udhetuar lirshem ne rajon dhe per nje begati ekonomike. Mes te tjerash, Lohan ka pershkruar edhe kohen dhe procedurat qe i duhen vendit tone, per t'u bere plotesisht anetar i BE-se, pasi te aplikoje formalisht per te hyre ne BE. B.Kore