Xhufi: Kartat, kunder tryeze Rama-Berisha
Levizja Socialiste per Integrim shprehet kunder bisedimit te kryetarit te Partise Socialiste, Edi Rama, me kryeministrin Berisha ne lidhje me procesin e kartave. Deklarata u be nga nenkryetari i kesaj partie, Pellumb Xhufi, pak kohe pas fteses se bere nga kryetari Rama per kreun e ekzekutivit Berisha. "Deklarata e zotit Rama per t'u ulur perseri me Berishe, per te biseduar per ceshtjen e kartave te identitetit, eshte vertete shqetesuese, sepse ne mendojme se nuk ka asnje motiv per t'u ulur dhe per te biseduar", deklaroi Pellumb Xhufi. Sipas tij, LSI nuk sheh asgje te frytshme ne gatishmerine e kryesocialistit Edi Rama, per te biseduar me kreun e mazhorances Sali Berishen. Kreu i grupit parlamentar te LSI-se, tha se me Berishen nuk funksionojne negociatat, por manifestimet dhe protestat. Per sa i perket protestave, Xhufi tha se format e luftes qe cdo parti do t'i beje, do gjeje dhe rruget e koordinimit, te bashkepunimit. "Por Partia Socialiste dhe zoti Rama, nuk e di nese i drejtohet partive apo i drejtohet opinionit, sic ka bere ne rastet e kaluara. Kjo mbetet per t'u pare, se cdo parti do te perpunoje politikat e veta, ne kete emergjence demokratike qe eshte krijuar", shprehu qendrimin nenkryetari i LSI per protestat e paralajmeruara nga kreu i PS. Pastaj, sipas tij, nga analizat qe cdo parti do te beje, do te lindin dhe mundesite dhe hapesirat per te bashkepunuar. Per sa i perket mundesise se shtyrjes se zgjedhjeve, Xhufi deklaroi se partia e tij kerkon qe ata qe gatuan kete Kod Elektoral dhe caktuan dhe daten e zgjedhjeve, natyrisht ta respektojne. "Shtyrja e zgjedhjeve do te ishte nje vazhdim ne rrugen e cenimit te integritetit te zgjedhjeve. Kane qene te gjitha kushtet per te respektuar afatet", theksoi kreu i grupit parlamentar te LSI. Sipas tij eshte e natyrshme qe shtyrja e zgjedhjeve eshte ne favor te mazhorances, por opozita eshte e pergatitur per zgjedhje. Per sa i perket zgjidhjes se ceshtjes, te pajisjes me karta identiteti, Xhufi theksoi se pajisja e qytetareve me karta identiteti realizohet ne keto kushte mungese kohore, vetem duke i dhene ato falas. D.Dedej