Lojerat e fatit dhe kazinote me kasa fiskale deri ne fund te vitit
Problemet dhe sanksionet financiare duket se nuk kane sosur per lojerat e fatit dhe kazinote. Deri ne fillimin te vitit te ardhshem te gjitha keto biznese duhet te pajisen sipas ligjit me pajisje fiskale te pershtatshme per to dhe duhet te faturojne cdo sherbim ose fitim qe ato nxjerrin. Ky vendim deri pak kohe me pare ishte vetem nje projekt-ide ne sirtaret e Ministrise se Financave por duket se pas kalimit te pjeses me te madhe te bizneseve ne skemen e TVSH-se nuk kishte me pse te mendohej qe edhe keto subjekte te shpetonin pa pajisjet fiskale. Nuk mjaftojne taksat e larta dhe struktura te posacme per mbikeqyrjen e lojerave te fatit por tani eshte planifikuar qe tregu i kumarit te kontrollohet permes sistemit fiskal te kasave regjistruese. Sipas zyrtareve me te larte te Tatimeve nga ky projekt synohet qe asnje qindarke e fituar apo e dhene ne tregun e lojerave te fatit te mos kaloje pa u taksuar. Jemi duke shqyrtuar dy variante per menyren e zbatimin te sistemit te ri dhe se shpejti do te nisim reformen. Planifikojme qe brenda vitit te gjitha kazinote pikat e bastit dhe lojerat e fatit te pajisen me kasa fiskale. Duket si e paarritshme per shkak te afatit 3-mujor por standardi qe ndjek tregu i lojerave te fatit e mundeson nje gje te tille- ka deklaruar zevendesdrejtori i Pergjithshem i Tatim-Taksave Defrim Manoku. Sipas shefit te projektit per implementimin e procesit do te vihen ne dispozicion te gjitha strukturat e mundshme megjithate shikohet me medyshje kapaciteti i shoqerive te autorizuara te pajisjeve fiskale.
Kazinote
Tregu i lojerave te fatit konsiderohet shume fitimprures si per vete drejtuesit ashtu dhe per qeverine per shkak te perdorimit masiv te bixhozit. Mesatarisht ne kete treg qarkullojne ne vit mbi 150 milione dollare ne lojerat e fatit por tatimet vleresojne per nje xhiro me te larte pasi dyshohet per ekzistencen e shume subjekteve qe nuk i paguajne taksat dhe shfaqin mungese transparence ne deklarimin real. Tjeter problem qe haset me sektorin eshte certifikimi i lojerave te fatit kryesisht te makinerive. Problemet e hasura kane bere te mundur shkaterrimin e shume makinerive dhe objekteve te bixhozit per shkak se nuk ishin te certifikuara nga institucione perkatese kurse sa i takon normes se kthimit per vlerat e luajtura nuk i permbaheshin ligjit qe percakton kufijte.
Pajisjet fiskale
Aktualisht ne treg jane duke punuar vetem dy shoqeri kasash fiskale kurse dy te tjerat jane ne proces autorizimi nga Ministria e Financave per certifikimin e pajisjeve qe do te ofrojne ne treg. Vete firmat garantojne se i kane te gjitha potencialet mjafton vullneti pozitiv i biznesit per ti pranuar pajisjet e sigurta fiskale dhe bashkepunimi me organet tatimore.
15 Shtator 2010