Lojtaret kandidate per fanellen kuqezi, interes i larte ne Greqi

Trajneret e ekipeve kombetare kane testuar lojtare te tjere kandidate per te veshur fanellen kuqezi. Edhe ne diten e dyte te grumbullimit, interesimi i kandidateve per te veshur fanellen kuqezi ka qene teper i larte ne Greqi. Duke pare fluksin e madh te lojtareve gjate dites se pare te grumbullimit, dy trajneret Bushati dhe Shehi, organizuan ndeshje kontrolli me nje grup prej 70 lojtaresh. Per shkak te numrit te larte te futbollisteve, trajneret vendosen qe edhe sot te zhvillohen ndeshje mes futbollisteve te shumte qe kane pasur deshire te testohen, me synimin per te veshur fanellen kuqezi. Sakaq, nje impenjim te njejte ka pasur edhe trajneri kuqezi, Josip Kuzhe. Kroati eshte duke i pare vete nga afer lojtaret e rinj dhe kandidate per te veshur fanellen e kombetares sone, para se te publikoje ndonje emer qe do te testohet ne miqesoret e ardhshme.