Luante me kapsollen, plagoset bariu i mitur

Shkoder- Luante me kapsollen afer shtepise, gjymtohet bariu i mitur. Ngjarja ka ndodhur rreth ores 19:00 te mbremjes se diel ne fshatin Gimaj te komunes Shale te Shkodres. Burime zyrtare thane se mberriti ne spitalin rajonal me plage te renda ne fytyre dhe duar 16-vjecari Z. Koceku. Nje grup hetimor u ngrit per kete ngjarje dhe gjate verifikimeve te kryera rezultoi se adoleshenti ka pasur demtime te ndryshme, djegie ne fytyre, sy dhe ne doren e djathte. Nga kryerja e veprimeve hetimore dhe marrja ne pyetje e vete te demtuarit u konkludua se 16-vjecari ka qene duke kullotur bagetine rreth 300-400 metra ne afersi te baneses se tij, ndersa po perpiqej te ndizte nje kapsolle. Mjeti luftarak i ka shperthyer ne duar, duke i shkaktuar demtimet e renda qe tashme i rrezikojne dhe shikimin. Mjeket thane se i mituri ndodhet jashte rrezikut per jeten pas nderhyrjes kirurgjikale dhe i vetmi rrezik eshte pjesa e syve. Ne lidhje me ngjarjen, materialet i kane kaluar Prokurorise se Shkodres, per hetime te metejshme.