Lucio braktis Interin
Qendërmbrojtësi i Interit, Lucio do të largohet nga klubi gjatë afatit kalimtar të verës, ka njoftuar menaxheri i tij, Sandro Becker.
Braziliani ishte anëtar kyç i skuadrës së Nerazzurrëve në edicionin e suksesshëm më 2010, por ka dëshpëruar me paraqitjet e tij këtë sezon.
“Ai kaloi tri vite të shkëlqyeshme në Inter dhe ndjen se është koha për ndryshime. Nga java e kaluar jemi duke punuar rreth arritjes së një marrëveshjeje për largim nga Inter dhe klubi tani ka pranuar. Do të gjejmë një skuadër të re”, deklaroi Becker për Lancenet.