MASH: Gjuhet e huaja, te shtojne kriteret per pranimin e studenteve Eljona Ballhysa

Pas ankesave te ardhura nga Fakulteti i Gjuheve te Huaja per cilesi te dobet studentesh, ka reaguar Ministria e Arsimit dhe Shkences. Ne nje prononcim per gazeten “Koha Jone”, Ndricim Mehmeti, Shef i Sektorit te Monitorimit te Cilesise ne ministrine e Arsimit, ka sugjeruar Fakultetin e Gjuheve te Huaja, qe te shtoje kriteret e pranimit te studenteve ne deget e ketij fakulteti. Sipas Mehmetit, ne baze te Vendimit te Keshillit te Ministrave, te gjitha fakultetet kane te drejte qe pervec kritereve te percaktuara nga ministria, te vendosin kritere shtese per pranimin e studenteve. Keto kritere mund te jene thjesht vertetim apo deshmi per njohjen e gjuhes se huaj, por mund te jete edhe testim i studenteve. “Ne vendimin e Keshillit te Ministrave per programet e studimit, ka nje pike e cila thote se katedrat dhe fakultetet, kane te drejte te nxjerrin kritere shtese, qe ato i konsiderojne te nevojshme per programet e tyre te studimit, pervec kritereve te miratuara nga Ministria e Arsimit dhe Shkences. Ne rast se ne Fakultetin e gjuheve te huaja kerkojne te futen studente qe nuk ia kane haberin gjuhes, per shembull gjuhes italiane, atehere mund te vihet nje kriter qe thuhet se kush do te rrije ne kete universitet, duhet te kete kete nivel te njohjes se kesaj gjuhe. Kjo nenkupton qe fakulteti duhet t’i kerkoje studentit nje deshmi, qe verteton nivelin e njohjes se gjuhes se huaj qe ka perzgjedhur, ose ta fuse kete student ne testim. Eshte vete fakulteti ai qe percakton kriteret shtese per pranimin e studenteve”, -eshte shprehur specialisti i ministrise se Arsimit dhe Shkences, Ndricim Mehmeti. Ai shton me tej, se para se maturantet te bejne zgjedhjet per deget qe do te ndjekin, duhet te marrin informacionin e duhur se cfare ofron ky fakultet dhe kjo dege. Pasi Fakulteti i gjuheve te huaja sipas Mehmetit, nuk eshte kurs ku mesohet gjuha nga fillimi, por eshte thellim i njohurive qe ke marre me pare. “Gjuhet e huaja, nuk bejne kurs te gjuhes, po bejne thellim te gjuhes. Une jam dakord me kete shqetesim qe shprehin pedagoget e ketij fakulteti dhe prandaj ata duhet te vene kushte, qe studenti te dije se cfare do te beje ne fakultet, sepse fakulteti nuk eshte per te mesuar gjuhen e huaj nga fillimi”, eshte shprehur Mehmeti. Vetem pak dite me pare, dekania e Fakultetit te Gjuheve te Huaja deklaroi, se niveli i studenteve te rinj ne kete fakultet, vazhdon te jete i ulet. Klodeta Dibra, beri te ditur se studentet i nenshtrohen cdo vit pas perfundimit te semestrit te pare, testimit te gjuhes. Rezultatet e vitit qe lame pas, raportojne se vetem 40 per qind arriten te kalonin testin. “Ne, cdo vit, ne momentin qe na vjen lista e studenteve, bejme testimet, pra per te testuar nivelin e gjuhes. Ne te gjitha deget kemi studente qe njohin shume mire gjuhen, qe njohin mire, qe e njohin dobet apo ka edhe studente qe nuk e njohin aspak gjuhen”,-thote Dibra. Dekania thote se do te vazhdojne te merren masa per permiresimin e cilesise se prurjeve te reja ne kete fakultet dhe kjo do te reflektohet edhe me ndryshimin e kurrikulave.

Sugjerimi

Specialisti, sugjeron qe studentet te testohen per gjuhen e huaj, qe do te studiojne. “Ne rast se ne Fakultetin e gjuheve te huaja kerkojne te futen studente, qe nuk ia kane haberin gjuhes, per shembull gjuhes italiane, atehere mund te vihet nje kriter qe thuhet se kush do te rrije ne kete universitet, duhet te kete kete nivel te njohjes se kesaj gjuhe, ose te futet ne testim”, eshte shprehur Mehmeti.