MASH dhe sindikatat e arsimit, marrëveshje për reduktimin e orëve mësimore

Vitin e ardhshëm shkollor mësuesit do të kenë më pak orë ngarkesë mësimore se çkanë aktualisht. Në bazë të marrëveshjes së Ministrisë së Arsimit dhe sindikalistëve të arsimit, arsimtarëve do tu njihen orët e kujdestarisë si dhe orët për aktivitete artistike. Për herë të parë mësuesit të cilët dalin në pension dy muaj para përfundimit të vitit shkollor kanë të drejtë të qëndrojnë

deri në përfundim të sezonit mësimor. Sindikalistët kanë treguar se është punuar për një draft mbi statusin e mësuesit ku në një ndër pikat kërkohet një paraqitje sa me etike në veshje të gjithë mësuesve që japin mësim. Ministri i Arsimit dhe Shkencës, Myqerem Tafaj, Kryetari i Federatës së Sindikatave të Arsimit dhe Shkencës të Shqipërisë (FSASH), përfaqësuar nga Kryetari, z. Xhafer Dobrushi, dhe Kryetari i  Sindikatës së Pavarur të Arsimit të Shqipërisë (SPASH), përfaqësuar nga Kryetari z. Bajram Kruja, nënshkruan midis tyre në MASH, Marrëveshjen për Kontratën Kolektive të Punës. Në përfundim u vendos që të përsëritet kontrata e deritanishme Kolektive të Punës të datës 4 Korrik 2006, e cila do të shtyhet deri në 2014-tën. Tafaj, përmendi disa nga elementët e rinj të përfshirë në kontratë. Sipas tij kontrata përcakton një draft-rregullore për statusin e mësuesit si dhe përpunimin, përgatitjen dhe miratimin e kodit të etikës së mësuesit. Kontrata kolektive e punës përfshin edhe pedagogët e arsimit të lartë dhe bën një hap përpara edhe në rregullimin e marrëdhënieve të punës në kuptimin e punësimit, rekrutimit, por edhe të ndërprerjes së marrëdhënieve të punës. Një element tjetër i kontratës është saktësimi për punonjësit e arsimit  që plotësojnë moshën e pensionit pa mbaruar vitin shkollor. Kontrata parashikon se mësuesit nuk pensionohen në rast se janë vetëm dy muaj, para përfundimit të viti shkollor.

Last Updated on E Marte, 25 Maj 2010 22:04