METE ia “mbledh” CEZ-it: Te mos mungoje energjia Luljeta Ndoka
Ministria e Ekonomise, Tregtise dhe Energjetikes, i ka drejtuar kompanise CEZ Shperndarje, qe te tregohet e kujdesshme ne menyre, qe qytetareve te mos u mungoje per asnje moment energjia elektrike, sidomos gjate festave te fundvitit. Duke i kujtuar kompanise “CEZ Shperndarje” se furnizimi me energji elektrike i konsumatoreve, eshte detyre vetem e saj, Ministria e Ekonomise i ka kerkuar kompanise ne fjale me prioritet absolut, qe te reagoje me urgjence per te riparuar cdo defekt apo problem tjeter me furnizimin me energji. Gjithashtu, kerkesa e dyte e METE, drejtuar kompanise CEZ Shperndarje, eshte qe kjo e fundit te marre masa per plotesimin e bazes materiale te saj, sepse METE nuk do te pranoje ne asnje menyre qe mungesa e transformatoreve, kabllove rezerve, pjeseve te kembimit te kabinave elektrike apo pajisjeve te tjera te domosdoshme, te ndikoje ne furnizimin normal me energji elektrike. “Ne i bejme thirrje cdo punonjesi, cdo tekniku, cdo specialisti qe eshte pjese e sistemit te shperndarjes dhe furnizimit me energji te konsumatoreve, te zbatoje me pergjegjesi personale ligjin dhe vetem ligjin, te permbushe detyrat, sipas funksionit qe mban, per te siguruar furnizimin normal me energji elektrike te te gjithe vendit”, vijon Ministria e Ekonomise ne deklaraten e saj. Ministria e Ekonomise, Tregtise dhe Energjetikes, komunikon se ne kete jave te fundit te vitit, si dhe ne muajt ne vazhdim te vitit qe vjen, eshte plotesisht e siguruar e gjithe kerkesa per energji elektrike e konsumatoreve familjare dhe jofamiljare. Gjate kesaj kohe, qeveria shqiptare ka importuar ne vazhdimesi dhe do te vazhdoje te importoje, cdo kilovat/ore ne menyre, qe energjia te mos mungoje ne asnje qytet, ne asnje komune, ne asnje fshat dhe ne asnje familje. “Ditet e fundit, perseri jemi ndeshur me raste jo te pakta te nderprerjes se furnizimit me energji elektrike te konsumatoreve familjare dhe jofamiljare. Pergjegjes per kete situate te shkaktuar, ne kushtet kur energjia nuk mungon aspak, eshte kompania “CEZ Shperndarje”, e cila problematiken e rende te brendshme te saj, e ka transmetuar tek konsumatoret familjare dhe jofamiljare”, ka vijuar METE. Sipas saj, me afrimin e festave, si cdo vit, pritet nje rritje e konsiderueshme e kerkeses per furnizim me energji elektrike te konsumatoreve. METE dhe strukturat e saj jane duke monitoruar nga shume afer situaten. “Sic eshte ne praktiken tone te cdo fundviti, ne kemi vene ne dijeni te gjitha organet kompetente, si dhe institucionet pergjegjese perkatese dhe jemi duke punuar ngushte me to per te siguruar, qe cdo gje te shkoje normalisht!”, perfundon deklarata.