MTKRS, plan pune për atletët që marrin pjesë në Olimpiadë

MTKRS dhe federatat sportive organizuan dje një konferencë të përbashkët për shtyp, ku deklaruan fillimin e një plani pune për sportistët elitarë që marrin pjesë në Lojërat Olimpike "Pekin 2008". Zv.ministri Ekrem Spahiu ka bërë të ditur se pjesëmarrja në këtë eveniment ishte prioritetit i këtij institucioni në fushën sportive. "Drejtoria e Sportit, Komiteti Olimpik Shqiptar, Qendra Kërkimore Shkencore dhe federatat përkatëse, tashmë kanë filluar një bashkëpunim serioz, duke përcaktuar objektivat e realizueshme për çdo sportist pjesëmarrës. Për këtë arsye, është vendosur që MTKRS, përveç fondit grand prej 107.1 milionë të akorduara për federatat sportive, do të ketë dhe një fond të veçantë nga MTKRS për KOKSH dhe federatat pjesëmarrëse në këto lojëra. MTKRS do të mbështetë financiarisht me një fond të veçantë për përgatitjen dhe përfaqësimin e Delegacionit Sportiv Shqiptar, në shumën 6100000 lekë. Do të ketë mbështetje financiare për projektin e paraqitur nga Komiteti Olimpik Shqiptar "Për pjesëmarrjen e Delegacionit Shqiptar në Lojërat Olimpike Pekin 2008" me shumën 4500000 lekë. Më datën 20 mars 2008, në orën 10:00, pranë MTKRS, do të jepen shpërblimet e sportistëve dhe trajnerëve sipas vendimit të Këshillit të Ministrave, nr. 94, të datës 3.02.2008 ‘Për arritjen e rezultateve të larta të sportistëve tanë në aktivitetet ndërkombëtare në sportet, qitje, mundje dhe peshëngritje‘", tregoi zv.ministri Spahiu. Më pas është shpërndarë një formular me përfitimet e sportistëve elitarë gjatë viteve të fundit, duke u përpjekur në këtë mënyrë që të hidheshin poshtë kërkesat e sportistëve për trajtime më të mira. Lista e gjatë tregonte saktësisht se sa kishin përfituar atletë të ndryshëm nga fondi shtetëror, bursa olimpike, sponsorizimet dhe premiot e caktuara nga Këshilli i Ministrave.

Përfitimet e sportistëve elitarë

ERKAND QERIMAJ viti 2002-2008

Gjithsej 7811100 lekë e 21080 USD

Do të marrë shpërblimin VKM 2000000 lekë

GERTI TRASHA viti 2002-2008

Gjithsej 5833000 lekë e 21080 USD

ROMELA BEGAJ viti 2005-2008

Gjithsej 3612000 lekë

SAHIT PRIZRENI viti 2007-2008

Gjithsej 1280000 lekë e 16800 USD

Do të marrë shpërblimin VKM 6000000 lekë

ELIS GURI viti 2007-2008

Gjithsej 1280000 lekë e 16800 USD

LINDITA KODRA viti 2005-2008

Gjithsej 790000 lekë e 8400 USD

Do të marrë shpërblimin VKM 5000000 lekë

DORIAN ÇOLLAKU viti 2004-2007

Gjithsej 2250574 lekë

Ka bursë olimpike 700 USD në muaj

ELTON BITINCKA 2004-2007

Gjithsej 1870000 lekë

KLODIANA SHALA 2004-2007

Gjithsej 4887725 lekë e 32000 USD