Madagaskar, opozita pushton selinë e qeverisë

Antananarivo-Selia e qeverisë në Madagaskar është pushtuar nga opozita, ndërsa udhëheqësi i opozitës Andre Raxhoelina, ka deklaruar se ka marrë edhe kontrollin ndaj ushtrisë. Raxhoelina i ka kërkuar presidentit Mark Ravalomana, të japë dorëheqje, kërkesë e cila është refuzuar. Lideri opozitar ka deklaruar për agjencinë Franc Press se nuk dëshiron të ketë dhunë, por ka theksuar se kreu i shtetit duhet ta dalë para gjyqit për shkak të veprave të kryera. Mbi 100 vetë kanë humbur jetën prej fillimit të konfliktit në muajin janar në Madagaskar.