Maja e Gjallicës përfshihet nga flakët

Deri më tani janë djegur rreth 2 hektarë të masiveve halore në këtë mal, ndërsa ndërhyrja e zjarrfikësve thuajse është e pamundur për shkak të lartësisë së madhe të malit.

“Zjarri deri tani ka djegur një sipërfaqe prej  afro  2 ha, ndërsa në vendngjarje kanë shkuar forca ushtarake, policore, punonjës të ndërmarrjes së shfrytëzimit pyjor  e banorë të fshatrave përreth, me  synim vënien e zjarrit nën kontroll  e parandalimin e dëmtimit të mëtejshëm të haloreve”, thotë  përgjegjësi i zyrës së emergjencës civile  në prefekturën e Kukësit, Azem Tema. 

Aktualisht, kjo vatër zjarri  është e vetmja në masivet pyjore të qarkut të Kukësit, ndonëse është ende jashtë kontrollit.  /S.Ll/Start/

                                                                                             2011-09-05 11:59