Majko pershendet marreveshjen Kosove-Maqedoni

Ish kryeministri, Pandeli Majko, vleresoi dje si shume te rendesishme, marreveshjen e arritur mes Prishtines dhe Shkupit, per shenimin e vijes kufitare. Sipas deputetit socialist, ky akt perben nje nga momentet me te rendesishme gjeopolitike te ndodhura kohet e fundit midis Kosoves dhe Maqedonise per kufirin. "Ceshtje e cila mbante peng edhe ceshtjen e lidhjes se marredhenieve diplomatike dhe te njohjes reciproke, nje moment delikat aq me teper kur Kosova ne dhjetor pret te shfaqet ne gjykaten nderkombetare te Hages per sa i perket ceshtjes se sovranitetit dhe te njohjes se pavaresise se saj edhe nga ligji nderkombetar", vleresoi socialisti. Sipas tij, ky hap i hedhur eshte pozitiv edhe ne permiresimin e metejshem te marredhenieve te Maqedonise me shqiptaret. "Nuk po them me Kosoven, por po them me shqiptaret. Deshiroj te them se mbetet ne surprizen time pozitive ky akt i kryer nga qeveria e Gruevskit. Kam parasysh ketu edhe nervozizmin me te fundit qe shkaktoi ceshtja e enciklopedise maqedonase" tha Majko. Ndersa per sa i perket kundershtimeve te marreveshjes nga ana e opozites maqedonase, me pretendimin se Kosoves i falet toke, Majko tha se eshte ne detyren e opozites qe te shfaqe dyshimet e veta ne cdo rast. Por sipas tij, ne marredhenie me shqiptaret askush nuk mund te vere dyshime te natyrave kufitare. "Per te qene te sinqerte ne jemi nje gadishull i cili po integrohet ne Bruksel dhe nuk besoj se hapja e ceshtjes se kufijve per kaq apo aq metra ne marredhenie me shqiptaret do te perbente nje motiv te mire politik, ne radhe te pare per stabilitetin e brendshem te Maqedonise", theksoi Majko. R. R.