Makina godet vella e moter, i le ne rruge
Kater persona jane vene ne pranga, si pasoje e aksidenteve automobilistike ne Tirane, ndersa u plagosen dy te mitur, vella e moter, dhe nje kembesor. Aksidenti i pare ndodhi ne rrethrrotullimin prane Doganes se kryeqytetit te rruga e Durresit, ku mbeten te plagosur rende moter e vella. Policia tha dje se ndaloi Mino Xhafa, 19 vjec, si dhe dy 18-vjecaret Armando Zhegu dhe Erjon Hoti. Ata akuzohen per shkelje te rregullave te qarkullimit dhe largim nga vendi i aksidentit. Hetimet nxoren se Xhafa, duke drejtuar automjetin tip “Fiat”, me targa te huaja, me pasagjere Hotin dhe Zhegun, ka humbur kontrollin e drejtimit te makines dhe per pasoje ka aksidentuar Anxheli N., 11 vjece dhe Albert N., 13 vjec, vella e moter. Policia tha se pas aksidentit, drejtuesi i mjetit se bashku me pasagjeret, jane larguar nga vendi i ngjarjes. Ndersa te demtuarit u derguan ne Spitalin Ushtarak te Tiranes, ku mesohet se jane ne gjendje te rende shendetesore. Po dy dite me pare, ka rene ne pranga Ardian Ustaj, 24 vjec, pasi rreth ores 15:30, duke udhetuar me nje makine tip “Benz”, me targa TR 2290 P, ka aksidentuar te moshuarin Clirim Celmeta, 65 vjec, i cili eshte derguar ne spital ne gjendje te rende shendetesore. A.C