Malaj Arsimi i larte faktor kyc per zhvillimin e vendit dhe integrimin

Përfaqësues të universiteteve publike dhe private diskutuan sot në Tiranë mbi gjendjen e arsimit në vend, në një konferencë me temë “Arsimi në kohët e vështira”.

Pjesëmarrëse ishte edhe zëvendësministrja e arsimit, Nora Malaj, e cila vuri theksin tek reforma dhe arritjet në sistemin e arsimit të lartë.

Ajo nënvizoi se arsimi i lartë është një faktor kyç për zhvillimin e vendit dhe integrimin e tij ne Bashkimin Europian.

Në konferencë, u vlerësua gjithashtu fakti se hapa para janë bërë edhe në implementimin e kartës së Bolonjës.