Malaj: Buxheti i 2009, garanci kunder krizes

Opozita paralajmeron nje beteje te forte ne Kuvend gjate diskutimeve per buxhetin e vitit 2009, i cili edhe pse nuk ka marre formen perfundimtare, qeveria ka bere publike shtyllat kryesore te tij.

Ish-ministri socialist i Financave Arben Malaj, ne nje interviste per Top Channel kundershton planin e qeverise per te financuar me shume se 30 perqind te investimeve permes kredive tregtare, pasi kjo sipas tij mund te ngreje pikepyetje per te ardhmen e ekonomise se vendit.

“Nese qeveria mendon se do te rrise investimet publike ne nje vit buxhetor duke ritur nivelin e deficitit tregtar, kjo krijon shqetesime. Nje borxh i larte tregtar eshte tejet shqetesues dhe hedh dyshime per te ardhmen”, deklaron Malaj.

Buxheti i vitit 2009, vecse perkon me nje vit elektoral, vjen ne nje kohe kur bota po perballet me nje krize te forte financiare, e cila sa vjen e zgjerohet. Ndaj, opozita mendon se drafti i buxhetit duhet te permbaje disa garanci per t’i paraprire goditjeve te mundshme qe mund t’i vijne ekonomise.

“Ekonomia shqiptare duhet te perballet me disa sfida. Ne kete rast, politika buxhetore duhet t’iu pergjigjet nevojave te vendit. Duhet te kemi nje deficit sa me te ulet ne menyre qe qeveria te kete mundesi te nderhyje”, ka sqaruar Malaj.

Por edhe pse kriza duket larg bankave shqiptare, ekziston frika se ajo mund rezervoje disa sfida delikate ne ekonomine reale e qe lidhen kryesisht me flukset e te ardhurave nga jashte. Malaj mendon se ne kete pike qeveria nuk duhet te rrije duarkryq dhe i leshon asaj nje propozim konkret.

“Qeveria duhet te inicioje nje konsensus ne Parlament per t’u perballur me impaktet e krizes, e cila me shume se sa veshtiresi per bankat mund te kete efekte negative per burimet e rritjes se ekonomise, duke prekur fuqine blerese te parase se shqiptareve dhe duke rritur papunesine”, propozon Malaj.