Malësi e Madhe, zjarr në një shtëpi, digjet vajza 3-vjeçare

Një vajzë 3-vjeçare ka humbur jetën pas djegies së banesës së saj në Malësinë e Madhe.

Ngjarja e rëndë ka ndodhur në fshatin Palvare të Malësisë së Madhe ku një shtëpi e vjetër në të cilën banonte një familje ka marrë zjarr dhe për pasojë është djegur brenda vajza 3-vjeçare e kësaj familjeje.
 

Menjëherë në vendngjarje kanë shkuar forcat e zjarrëfikësve por ato nuk kanë arritur dot të shpëtonin vajzën 3-vjeçare.
 

Nuk dihen ende shkaqet e zjarrit por policia ka nisur hetimet për zbardhjen e plotë të shkaqeve të ngjarjes.