Malouda mbetet në Chelsea
Nga Express më 04 korrik 2011 në ora 14:39
Mesfushori i Chelseas, Florent Malouda ka konfirmuar se e ardhmja e tij është në Stamford Bridge, pas emërimit të menaxherit të ri Andre Villas-Boas.
Reprezentuesi francez thotë se është i gatshëm të punojë me strategun portugez, i cili më parë kishte punuar në Chelsea si asistent i Jose Mourinhos.
“Marrëdhëniet e mia me trajnerin janë të mira. Kontrata ime me Chelsean skadon më 2013, por dua të mbetem së paku deri më 2014”, tha Malouda për të përditshmen angleze Daily Express.