Mangalli me prush asfikson nje familje

Vlore- Nje familje me 8 pjesetare eshte vene ne rrezik per jeten nga nje mangall prushi i harruar ndezur gjate oreve te mbremjes deri mengjesin e dites se djeshme. Familja Shahini, me banim ne lagjen "24 Maji" te qytetit te Vlores, perfundoi e gjitha ne spital me simptoma te asfiksise dhe dhimbje te forta trupi e koke. Per fat te mire mjeket arriten t'i nxirrnin nga rreziku per jeten, kurse policia nisi hetimet duke i marre te mbijetuarit ne pyetje per shkaqet e ngjarjes. Si pasoje e te ftohtit, familja Shahini kishte perdorur mangall me qymyr per t'u ngrohur. Por pas nje ore i ka zene gjumi si pasoje e oksidit te karbonit qe shkaktohej nga mangalli. Ka qene njeri prej antaret te familjes qe ka kuptuar se cfare po ndodhte, por nuk kishte fuqi te nderhynte te antaret e tjere, te cilet ishin te asfiksuar dhe ne gjendje agonie. Me veshtiresi ka dale nga banesa duke njoftuar fqinjin dhe kerkuar ndihme. Menjehere me ane te ambulancave dhe makinave te rastesishme eshte bere dergimi per ne spital dhe pas nderhyrjes mjekesore gjendja eshte permiresuar. Sipas mjekeve, 7 nga pjesetaret e familjes jane paraqitur ne spital ne gjendje te rende asfiksie dhe u eshte bere trajtim me oksigjen.

O.Hila