Maqedoni, protesta kundër rritjes së çmimit të energjisë

Nisma qytetare “Aman” paralajmëroi protesta të reja në Maqedoni, kundër rritjes së çmimit të energjisë elektrike, derivateve të naftës dhe ngrohjes.
 

Protestat e reja janë paralajmëruar për tu zhvilluar sot në Tetovë, Kumanovë dhe Prilep. Ato nisën javën e kaluar në Shkup, përmes një tubimi masiv të qytetarëve, ku u shpreh revolta e qytetarëve kundër çmimeve të larta të energjisë elektrike, ngrohjes dhe derivateve të naftës.
 

Nisma qytetare “Aman” i ka bërë thirrje qytetarëve që të përkrahin masivisht këto protesta. Kjo nismë paralajmëroi se protesta të njëjta do të mbahen edhe nëpër qytete të tjera të Maqedonisë ndërsa kërkoi edhe përkrahjen e qytetarëve.