Maqedonia nesër voton për presidentin e ri

Shkup - Maqedonasit do të shkojnë nesër drejt kutive të votimit për të zgjedhur presidentin e tyre për një mandat pesëvjeçar. Kësaj here, atyre u duhet të zgjedhin mes shtatë kandidatëve. Krahas kreut të shtetit, qytetarët maqedonas do të zgjedhin gjithashtu përfaqësuesit e tyre të komunave dhe kryetarët e bashkive për qytetet kryesore të vendit.

Nëse asnjë nga kandidatët për zgjedhjet presidenciale nuk do të marrë shumicën absolute të votave në turin e parë, më 5 prill do të zhvillohet turi i dytë i zgjedhjeve.