Marlon Brando shfaqet ne Pogradec
Kete fillimpranvere, Pogradeci duket se do te gjallerohet, per te lene pak menjane monotonine e stines se ftohte. Prej 10-13 mars, Pogradeci do te prese filma te huaj, ata filma qe ne nje fare menyre kane shkruar historine e kinematografise boterore. Dite te filmit qe vijne ne saje te nje bashkepunimi mes Arkivit Qendror Shteteror te Filmit, Ministrise se Kultures dhe Bashkise se Pogradecit. Aktiviteti do te kete permasa te gjera, pasi do te prezantoje ne kater dite prodhimet me te mira kinematografike te shekullit XX, qe kane lene mbresa, nostalgji dhe i kane rezistuar kohes, te adhuruar per shikuesin e ketij qyteti te vogel, buze liqenit te Ohrit. Jane kryevepra te kinemase boterore, te cilat i kane rezistuar kohes. Disa prej filmave qe do te shfaqen jane "Babeta shkon ne lufte" e Christian Jaque, protagoniste kryesore eshte aktorja Brigitte Bardot; "Dite dashurie" e italianit Guiseppe de Santis; "Rrofte Zapada" e Elia Kazan me ikonat e kinemase boterore Marlon Brandon, Jean Peters, Anthony Quinn. Ndersa nga kinemaja ruse eshte zgjedhur filmi "Zonja me kone", qe daton ne vitin 1959 e Josif Krefits, me protagoniste aktoret Aleks Batallov dhe Iva Savvina.