Maturantet para 2007, shtohet nje provim ne liste

Kandidatet per ne universitete, qe e kane mbaruar shkollen e mesme profesionale para vitit 2007, nuk do te mund te kualifikohen duke dhene vetem dy provimet me zgjedhje. Shkak per kete behet futja e nje lende te re ne listen e provimeve me detyrim. Keshtu, shkollat e mesme tekniko-ekonomike, do te japin per here te pare edhe letersine si provim me detyrim, ndersa ato social-ekonomike, do te japin matematiken. Pikerisht ky ndryshim, con ne domosdoshmerine per t'i dhene keto provime, respektivisht sipas llojit te shkolles qe ka mbaruar kandidati. Sipas specialisteve te Ministrise se Arsimit, kjo kategori ka te drejte te ekuivalentoje vetem provimin qe eshte ende ne listen e provimeve me detyrim, ndersa provimi qe kane dhene me pare, i lendes se zanatit, shfuqizohet. Thene ndryshe, nje kandidat i nje shkolle ekonomike do te jape pervec dy provimeve me zgjedhje, edhe letersine, te cilen nuk e ka dhene vite me pare. Kjo e con ne 3 numrin e provimeve qe duhet te jape gjithsej, duke iu njohur vetem ai i matematikes. E njejta logjike do ndiqet edhe per maturantet e tjere te para 2007-es, te cilet duan te konkurrojne per vitin akademik 2008-2009. Futja e lendeve jo te zanatit ne listen e lendeve me detyrim, ka shkaktuar polemika te medha nje vit me pare ne radhet e nxenesve te shkollave profesionale. Madje, qindra nxenes te shkolles Ekonomike dhe Elektrike kane protestuar nje vit me pare, duke e cuar zerin deri ne Kryeministri. Megjithese specialistet e arsimit ne kete institucion u premtuan zgjidhje, lende te tilla jane futur ne listen e atyre me detyrim.