Marreveshja PS-LSI, Rama kryeminister, Meta kryetar Parlamenti

Drejtuesit e kryesore te koalicionit te majte zhvilluan dje takimin e pare pas fitores se zgjedhjet te 23 qershorit. Larg vemendjes se medieve, kreu i PS-se, Edi Rama dhe ai i LSI-se, Ilir Meta kane diskutuar per ndarjen e posteve dhe angazhimin qe do te kene keto forca politike ne qeverisjen e ardhshme. Ne takimin e zhvilluar per rreth 2 ore e 30 minuta, Rama dhe Meta kane rene dakord per dy funksionet kryesore te mazhorances qe do te marre detyren ne muajin shtator. "U ra dakord qe ne funksion te nje ndarjeje te pergjegjesive per te permbushur me sukses detyrimet qe burojne prej votes plebishitare te 23 qershorit per Aleancen per Shqiperine Europiane, kryetari i PS Edi Rama do te drejtoje qeverine e re, ndersa kryetari i LSI Ilir Meta do te drejtoje Kuvendin e ri",- thuhet ne njoftimin e Partise Socialiste per takimin. Nje tjeter pike, per te cilen dy kreret e partive kane rene dakord eshte dhe ajo e ndarjes se mandatit te deputetit nga detyra e ministrit. Gje qe do te thote, se ministrat qe do te behen pjese e qeverise se re, duhet te heqin dore nga mandati i deputetit qe kane fituar ne zgjedhjet e 23 qershorit. Lidhur me pikat e tjera te bashkepunimit, PS dhe LSI kane ngritur nje ekip qe do te hartoje planin e 300 diteve te para te qeverisjes se majte. "U vleresua se pikesepari nje grup i perbashket pune nen drejtimin e Sekretarit te Programit te PS, Ilir Beqja, dhe anetarin e kryesise se LSI Edmond Haxhinasto, duhet te nise menjehere nga puna per planin e detajuar te punes se 300 diteve te para qe do t'i paraqitet publikut ne muajin shtator. Ky grup pune do te vendose kontakte me grupet e interesit si edhe me eksperte vendas e te huaj te nivelit me te larte",- thuhet ne njoftimin e PS. Lidhur me perberjen e ndarjen e posteve ne qeveri, mesohet se percaktimi i emrave dhe dikastereve qe do te mbaje secila force politike do te vendoset gjate konsultimeve te metejshme. "U dakordesua ecuria e metejshme e konsultimeve per strukturen dhe perberjen e qeverise se re, per te cilen do te degjohen me vemendjen e merituar edhe acetatet e tjere",- thuhet ne njoftimin e PS. Nje tjeter ceshtje e diskutuar mes kreut te PS dhe atij te LSI-se eshte dhe periudha transitore e nderrimit te pushtetit. Ne deklaraten e PS-se vihet ne dukje se Rama dhe Meta kane kerkuar nga qeverisja aktuale qe te ndalojne prokurorimet publike dhe administrata te mos beje shpenzime nga arka e shtetit. "Te ndalen prokurorimet e reja, te mos merren vendime per koncesione te reja te pasurise publike, te garantohet qe administrata te mos perfshihet ne veprime antiligjore apo joetike te ores se fundit me arken e shtetit",- thuhet ne njoftimin e PS. Sipas dy krereve te partive, qeveria e djathte "nuk po ben thjesht kujdestarine dymujore qe imponon verdikti plebishitar i 23 qershorit, por po vazhdon ne nje inerci qe nuk eshte ne dobi te vendit e te qytetareve". Lidhur me ceshtjet e tjera, Rama dhe Meta kane rene dakord per krijimin e nje klime konsensusi dhe bashkepunimi jo vetem me opoziten, por dhe me aktoret e tjere ne shoqeri.