Marshim italian

Miratohet kalimi i trupave

Qeveria vendosi dje të lejojë kalimin e përkohshëm të trupave ushtarake italiane përmes territorit të Shqipërisë, duke u mbështetur marrëveshjet mes vendeve aleate të NATO-s për “statusin e forcave” (1951) dhe të shteteve që janë palë me grupin e Partneritetit për Paqe (1995). Në vendim parashihet kalimit i “4 konvojeve ushtarake italiane, nga të cilat konvoji i parë me 16 automjete dhe 32 trupa, konvoji i dytë me 16 automjete dhe 32 trupa, konvoji i tretë me 10 automjete dhe 20 trupa, si dhe konvoji i katërt me 13 automjete dhe 26 trupa, në itinerarin Qafë-Thanë - Durrës, në datën 1 mars 2008”. Nuk ka ndonjë shpjegim konkret për arsyen apo misionin e trupave në këtë kalim, miratuar si vendim pas propozimit të ministrit të Mbrojtjes. Trupat dhe mjetet italiane do të shoqërohen gjatë udhëtimit nga njësi të ushtrisë sonë.