Masakra e Cerrikut, deshton serish gjyqi
Tirane- Mungesa e avokateve ne Gjykaten e Krimeve te Renda, u be dje serish shkak per deshtimin e radhes te procesit gjyqesor ne ngarkim te te pandehurve te akuzuar per masakren e Cerrikut. Prokurori i ceshtjes i ka kerkuar dje trupit gjykues te kryesuar nga gjyqtari Klodian Kurushi qe t'i drejtohet Ministrise se Drejtesise dhe Dhomes se Avokatise Tirane, te marr masa ndeshkimore per kater avokatet te cilet u bene dje pengese per zhvillimin e procesit gjyqesor. E jo vetem kaq, por dje eshte marre edhe vendimi qe ne rast se ne seancen e radhes do te mungojne avokatet mbrojtes, atehere do te kerkohet mase ndeshkimore deri ne heqje te licences se tyre. Nente anetaret e bandes akuzohen per vrasjen e 6 punonjesve te Gardes se Republikes dhe plagosjen e disa te tjereve ne vitin 1997 ne Cerrik. Te pandehur ne kete proces jane: Llazar Bicja, Met Bozi, Arjan Toska, Roland Sota (Xhepexhiu), Alban Toska, Skender Cani, Tomorr Buzani, Bujar Buzani, Entel Gashi. Keta persona, shume prej tyre te arrestuar vitin qe shkoi nga Policia e Shtetit ne bashkepunim me Prokurorine e Krimeve te Renda akuzohen per vrasjen me arme zjarri te 6 punonjesve te Gardes se Republikes si dhe plagosjen e disa efektiveve te Policise se Shtetit ne vitin 1997 ne qytezen e Cerrikut.