Maska tenton grabitjen me arme, punetori shpeton koken dhe parate

Durres- Nje person i maskuar dhe i armatosur, ende i paidentifikuar nga policia, ka tentuar te grabise piken e karburantit "Elda" ne zonen e Ferme Sukthit ne Durres. Punonjesi i pikes ka arritur te arratiset duke shpetuar jo vetem koken e tij, por edhe parate e pronarit, nje shume prej 20 mije lekesh te siguruara nga xhiroja e turnit te nates. Ngjarja ka ndodhur mesnaten e se martes, kur i riu E. C., 25 vjec, eshte gjendur nen kercenimin e nje arme tip pistolete "TT" qe i eshte drejtuar nga nje person me maske. Burime zyrtare te policise se Durresit, thane se ishin njoftuar ne sallen operative per nje grabitje ne Ferme Sukth nga nje person. Grupi hetimor ka shkuar ne vendngjarje, por nuk ka mundur te kap dot te dyshuarin qe eshte larguar. Punonjesi i tregoi agjenteve se kishte perfituar nga erresira per te vrapuar pa rene ne duart e maskes se armatosur. Gjate largimit ka telefonuar policine dhe ka pritur qe te dallonte sirenat per t'u rikthyer. Ne momentin e tentatives per grabitje, punonjesi i pikes se karburantit ka grumbulluar 20 mije leke qe i kishte ne xhep. Policia tha se pas veprimeve te kryera eshte bere e mundur te identifikohet autori, fal pershkrimit te 25 vjecarit dhe eshte bere shpallja ne kerkim e tij, por nuk e publikuan emrin per shkaqe hetimi.

Me gjithe kontrollet e kryera ne zone, policia nuk ka mundur te kape autorin qe mendohet se eshte banore i Ferme Sukthit. Zyrtare te rendit u shprehen se materialet i kane kaluar Prokurorise se Rrethit Gjyqesor Durres, per hetime te metejshme te vepres penale te "vjedhjes me arme e mbetur ne tentative".