Masterat ne Vlore, kriteret per regjistrim

Keshilli i Ministrave vendosi dje hapjen e programeve te studimit, master i nivelit te pare ne mesuesi, per ciklin e larte te arsimit baze, ne universitetin "Ismail Qemali", Vlore, ne Fakultetin e Edukimit, ne lendet "Gjuhe angleze" dhe "Gjuhe italiane". Ne perfundim te ketyre programeve leshohet diplome "Master i Nivelit te Pare (MNP) ne mesuesi", per ciklin e larte te arsimit baze. Programi i studimit, Master i nivelit te pare ne mesuesi, per ciklin e larte te arsimit baze, realizohet me 60 kredite dhe zgjatja normale e tij eshte nje vit. Ndersa kuotat e pranimeve ne keto programe studimi, per vitin akademik 2008-2009, te jete, perkatesisht nga 120 kuota per secilin program studimi. Sipas vendimit te djeshem te Keshillit te Ministrave, universiteti "Ismail Qemali", Vlore, i shperndan kuotat e vena ne dispozicion te tij, ne masen jo me pak se 30 per qind per studentet, qe kane perfunduar te pakten, ciklin e pare te studimeve ne institucionet e tjera te arsimit te larte, dhe jo me shume se 70 per qind per ata qe i kane perfunduar keto studime prane tij. Ne rastet kur nuk ka kandidate nga institucionet e tjera te arsimit te larte, qe plotesojne kriteret, universiteti "Ismail Qemali", Vlore, ka te drejte ta plotesoje kuoten e vene ne dispozicion me studentet qe jane diplomuar ne kete universitet. Kriteret e perzgjedhjes se kandidateve, percaktuar nga njesite kryesore te universitetit "Ismail Qemali",Vlore, behen publike paraprakisht. Kandidatet, qe u perkasin shtresave sociale, si: te verbrit, te shurdhet, invalidet, paraplegjike dhe tetraplegjike, studentet me aftesi te kufizuara, femijet rome apo femijet e policeve, te rene a te plagosur per shkak te detyres, ish te perndjekurve politike, qe fitojne te drejten per te ndjekur nje program studimi, master i nivelit te pare ne mesuesi, ne institucionet publike te arsimit te larte, te paguajne 50 per qind te tarifes se shkollimit.