Masters Wta Doha, Jankovic ne gjysmefinale

Tenistja numer 1 ne bote, Jelena Jankovic po ecen e pashqetesuar drejt finales se Masters Wta te Dohas. Serbja ka prere bileten per ne gjysmefinale pasi mundi rusen Svetlana Kuznetsova ne dy sete 7-6, 6-4.

Ky eshte suksesi i trete ne po kaq takime per tenisten ballkanase. Per ne turin tjeter ka kaluar edhe rusja Vera Zvonareva, e cila siguroi dy fitore ne kete grup. Ajo ka lane pas bashkekombasen Kuznetsova dhe serben Ana Ivanovic, te cilat nuk kane regjistruar asnje fitore ne takimet ne grupe per Master Wta te ketij viti.

Duhet theksuar se Ivanovic e la vendin e pare te renditjes se femrave pas demtimit qe ajo pesoi ne prag te olimpiades se Pekinit. Qe prej asaj kohe, bashkekombesja e saj Jankovic ka arritur te shkelqeje ne turnete e ndryshem, duke kryesuar bindshem edhe renditjen e pergjithshme.