"Matrikx 4", prokuroria kerkon denim me 38 vjet burgim

Tirane- Prokuroria e Tiranes kerkoi dje shpalljen fajtor dhe denimin me 38 vjet e 5 muaj burg, si dhe 600 mije leke gjobe per 15 te pandehurit e akuzuar per vjedhje te bankomateve. Prokurori Armand Gurakuqi, deklaroi dje se te pandehurit akuzohen per veprat penale te "mashtrimit, te kryer ne bashkepunim me shume se nje here ne dem te shume personave" "falsifikimit te letrave me vlere" dhe "moskallezim krimi". Akuza kerkoi denimin me 8 vjet burg, per te pandehurin Endrit Gjergjani, me nga 3 vjet burg per te pandehurit Rei Karapicin, Enea Celan, Alban Baren, Ledoi Dokon dhe Indrit Abazin. Per te pandehurit Kreshnik Luku, Anil Gjergjani (Laro) dhe Blerim Abazi, akuza kerkoi denimin e tyre me 4 vjet burg, secili. Ndersa per Redi Cikanin, prokurori kerkoi shpalljen fajtor dhe denimin e tij me 5 vjet burg. I pandehuri Flamur Gashi, rrezikon vetem 5 muaj burg. Ne fund te konkluzioneve te tij perfundimtare perfaqesuesi i akuzes, kerkoi denimin me 200 mije leke gjobe, per secilin prej te pandehurve; Fatmir Kolmarkun, Klajdi Terollin dhe Fatmir Borshi, te cilet jane duke u gjykuar ne gjendje te lire. Ata akuzohen per vepren penale te moskallezimit te krimit. Te pandehurit u vune ne pranga nje vit me pare, ne saje te operacionit te koduar "Matrikx 4". Veprat penale jane kryer nga keta te akuzuar, per nje periudhe rreth dyvjecare dhe ne disa qytete shqiptare, si Tirane, Durres, Vlore, Fier dhe Sarande.

R.Caushaj