Maturantet e pakenaqur, si te kerkojne fotokopjen e provimit Eljona Ballhysa

Maturantet qe kane pakenaqesi per noten e marre ne provimet e Maturen e Shteterore kane te drejte qe te shikojne menyren e vleresimit te tyre nga ana e korrigjuesve. Ndryshe nga vitet e tjera maturantet nuk kane te drejte te kerkojne rivleresim te testit, por vetem te shohin testin se si eshte rivleresuar. Ky vendim eshte marre nga Ministria e Arsimit dhe Shkences e cila per kete vit mori masat qe çdo test te korrigjohej nga te pakten dy korrigjues dhe ne rast se kishte vleresime te ndryshme, atehere testi kalonte ne duart e nje korrigjuesi te trete dhe te katert. Dhe te gjithe keto masa u moren per te mos lene vend per asnje dyshim tek maturantet. Megjithate jane te shumte ata maturante qe kane shprehur pakenaqesi per notat e marra duke ngritur dyshime per menyren e vleresimit. Edhe ne kete rast ministria e Arsimit i ka dhene mundesine te gjithe maturanteve te pakenaqur me noten qe te kerkojne te shohin se si jane vleresuar duke pare fotokopjen e provimit te tyre. Agjencia Kombetare e Provimeve ka miratuar nje udhezim qe parashikon hapat qe duhet te ndjekin maturantet per te marre ne duar fotokopjen e provimit. Keshtu maturantet duhet te bejne nje kerkese me shkrim prane shkolles se tyre dhe per te marre testin e gjuhes dhe letersise kerkesa duhet te paraqitet ne shkolle deri ne daten 18 qershor ora 12:00. Me pas çdo shkolle dergon prane Drejtorise Arsimore perkatese listen e maturanteve qe kane kerkuar fotokopjen e testit. Lista i dergohet DAR/ZA-ve brenda dates 19 qershor. Me pas drejtorite Arsimore Rajonale i paraqesin Agjencise Kombetare te provimeve listen e kerkesave te maturanteve, duke listuar maturantet emer, mbiemer, kodin ID, si dhe shkollen ne te cilen studiojne. Çdo kerkese e maturanteve per te marre fotokopjen e provimit te Matures Shteterore duhet te shoqerohet me mandat pagesen qe kushton 400 leke te reja. Menjehere pas marrjes se listes se kerkesave Agjencia Kombetare e Provimeve ben fotokopjet e testeve dhe ua dergon Drejtorive Arsimore Rajonale e cila me pas realizon shperndarjen tek maturantet qe kane paraqitur kerkesa. Kete vit ndryshe nga vitet e tjera maturantet pavaresisht pakenaqesive qe kane per noten e marre nuk mund te kerkojne rivleresim te testit, por vetem mbledhjen e pikeve ne rast se eshte bere ndonje gabim ne mbledhjen e pikeve. Deri tani maturantet ne mbare vendin kane perfunduar dy provimet e detyruara te Matures Shteterore, siç jane letersia dhe matematika, nderkohe qe ne ditet ne vijim do te japin edhe provimet e lendeve me zgjedhje, ku mbizoterojne gjuhet e huaja.

Kerkesa

Maturantet duhet te bejne nje kerkese me shkrim prane shkolles se tyre dhe per te marre testin e gjuhes dhe letersise kerkesa duhet te paraqitet ne shkolle deri ne daten 18 qershor ora 12. Me pas çdo shkolle dergon prane Drejtorise Arsimore perkatese listen e maturanteve qe kane kerkuar fotokopjen e testit. Lista i dergohet DAR/ZA-ve brenda dates 19 qershor.

MASH: Asnje parregullsi ne zhvillimin e provimeve

Ministria e Arsimit dhe Shkences ka vleresuar se deri tani provimet e Matures Shteterore jane zhvilluar sipas rregullores. “Ministria e Arsimit dhe Shkences ben me dije se provimi ne te cilin moren pjese 46 mije maturante u zhvillua ne perputhje te plote me te gjitha rregullat e Matures Shteterore. Asnje parregullsi nuk u vu re gjate procesit dhe ne shprehim besimin se standarde te tilla rrisin cilesine e arsimit tone te mesem dhe jane deshmi e perafrimit me ate te vendeve te tjera evropiane. Ministria e Arsimit falenderon te gjithe ata qe kontribuan ne mbarevajtjen e provimit dhe ne menyre te veçante policine e shtetit”,- ben te ditur Ministria e Arsimit.