Maturantet, publikohet skema e vleresimit Luljeta Ndoka
Qe nje maturant te marre pike maksimale ne provimet e Matures Shteterore 2011, duhet te marre 180 pike. Nga keto, 100 duhet t'i marrin ne provimet me detyrim dhe 80, ose 120 pike, ne varesi te numrit te lendeve qe ka zgjedhur maturanti. Ne kete menyre, duke ditur peshen qe do te kete cdo provim ne vleresimin perfundimtar, maturantet do te dine se ku te perqendrohen me shume. Ne rregulloren e publikuar dje, Ministria e Arsimit ka parashikuar me shume pyetje per provimet me detyrim dhe si rezultat me shume kohe per t'i plotesuar ato. Pyetjet me zhvillim do te vleresohen shume me teper gjate perllogaritjes se pikeve, ndersa ato me alternativa do te kene vetem nga nje pike. Keshtu, sipas rregullores, me shume peshe ne vleresim do te kene lendet me detyrim, e specifikisht, pyetjet me zhvillim. Keshtu, testi i provimeve te Matures Shteterore per Matematiken dhe Letersine do te kene secili nga 25 pyetje. Nga totali i pyetjeve qe do t'u vihen ne dispozicion maturanteve, 13 prej tyre do te jene me alternativa. Duke pasur parasysh lehtesine e tyre per vete faktin se do te jene me rrethim alternative dhe s'do te duan shume kohe, ato do te kene 13 pike. Pra, nga nje pike per cdo rrethim te sakte alternative. Ndersa pyetjet me zhvillim do te kene me shume peshe ne vleresim. Keshtu, edhe pse do te jene vetem 12 te tilla, ato do te kene 37 pike ne dispozicion. Ne total, nje test i njerit prej provimeve me detyrim do te kete 50 pike. Duke pasur parasysh faktin se secili prej maturanteve do te jape dy provime me detyrim, ate te Matematikes dhe letersise, atehere i bie qe ne keto dy provime nxenesit duhet te marrin 100 pike maksimale. Per provimet me zgjedhje eshte parashikuar nje skeme tjeter vleresimi. Nga 25 pyetje qe ka pasur cdo vit nje test, sivjet do te kete 20 pyetje per cdo provim Z1 dhe Z2. Nga keto, 10 pyetje do te jene me pergjigje alternative. Specialistet qe kane formuluar udhezimin kane ndjekur te njejten logjike, si edhe per provimet me detyrim, duke dhene vleresimin me nje pike per cdo provim me zgjedhje. Ndersa me shume pike do te kene pyetjet me zhvillim. Per 10 pyetje, specialistet kane menduar 30 pike ne vleresim. Pra, gjithsej, cdonjera nga tezat e provimeve me zgjedhje, do te kete maksimalisht 40 pike. Sipas perllogaritjeve, nje maturant duhet te marre 100 pike per te dy provimet me detyrim, dhe 80 pike per te dy provimet me zgjedhje. Gjithsej, nje maturant qe i ploteson mire qe te gjitha pyetjet e te 4 provimeve gjithsej, mund te marre 180 pike maksimale. Provimet me zgjedhje zhvillohen vetem nje here ne vit dhe zhvillohen ne nje dite. Kohezgjatja e dhenies se pergjigjes me shkrim per secilin nga testet e provimeve te detyruara do te jete 2,5 ore. Nderkaq, eshte menduar me pak kohe ne dispozicion per provimet me zgjedhje, duke pasur parasysh faktin se testi i tyre ka me pak pyetje. Sipas udhezimit te Ministrise se Arsimit dhe Shkences, kohezgjatja per dhenien e pergjigjeve eshte 3 ore gjithsej.