Mazhoranca, jep pelqim per kater ambasadoret

Komisioni i Politikes se Jashtme dha dje pelqimin per kater kandidatura per Ambasadore, Sokol Gjoka ne Federaten Ruse, Fatos Kerciku ne Republiken e Indise, Nuri Domi ne Republiken Arabe te Sirise dhe Egjipt, si dhe Gazmend Barbullushin ne Mbreterine e Holandes. Ne seancen degjimore te zhvilluar dje, pa pranine e anetareve te Partise Socialiste, te kater kandidaturat u vleresuan si diplomate karriere. "Shpresojme qe Presidenti t'i dekretoje sa me shpejt. Personalisht shpreh keqardhje per mos pranine e deputeteve socialiste, anetare ne komision. Socialistet jane te mendimit se nuk duhen emeruar ambasadore para zgjedhjeve", u shpreh kreu i komisionit, Prec Zogaj. Sipas tij, nje gje e tille nuk eshte normale, pasi zgjedhjet nuk jane dhe aq afer. Zogaj u shpreh se diplomacia duhet te shihet pertej ngjarjeve politike, sic eshte ne kete rast procesi zgjedhor i 28 qershorit."Presidenti i Republikes, kur behen zgjedhje apo ka ndryshime politike ne Parlament, eshte kompetent qe te emeroje ambasadore edhe diten e zgjedhjeve. Sipas pikepamjes se mazhorances, ligji eshte ne fuqi dhe zbatohet kurdohere dhe nuk ka asnje arsye per moratorium, sepse nuk kemi te drejte", u shpreh Zogaj.