Mbështetje e skemave kombëtare nga qeveria, të rinjtë investojnë në vendlindje(VIDEO)

Familjarë dhe të rinj po kthehen nga emigracioni për të investuar në vendlindjet e tyre. Nga skemat kombëtare që ofron qeveria shqiptare disa fermerë po dyfishojnë investimet e tyre duke e kthyer vëmendjen në zhvillimin e turizmit të zonës.

Dashnor Veliaj nga Memaliaj, pak vite pasi u kthye nga emigracioni, vendosi të investojë në fshatin e tij të lindjes, për ngritjen e një ferme për mbarështimin e dhive të racës autoktone. E nisi aktivitetin me 300 krerë dhi, por sot pas 2 vitesh, falë edhe mbështetjes nga Skema Kombëtare ka 500 krerë dhi dhe prodhon mish, qumësht e produkte të bulmetit.

Veliaj thotë se blegtoria është traditë e zonës tonë dhe potencial për rritje e ekonomisë së zonës tonë. Ndërkohë  në fermën e tij ka punësuar disa barinj të zonës ndërsa me fermën janë të angazhuar edhe bashkëshortja e tij dhe djali që synon në të ardhmen të studioj për veterinari me qëllim që të punësohet në fermën e tij.

Veliaj thotë se synimi i këtij investim është të kthehet në një oaz për punësimin e banorëve të zonës, prodhimin bio, mjaft të kërkuar nga tregu e deri në eksporte, dhe zhvillimin e turizmit në këtë zonë përmes pikës agroturistike.