Mbledhja e parë e qeverisë pas kritikave të BE-së

Prishtinë (Start)-Qeveria e Kosovës është mbledhur sot për herë të parë pas kritikave të ardhura nga bashkimi Evropian në raportin e progresit të publikuar një ditë më parë. BE kritikoi ashpër autoritetet e Prishtinës zyrtare duke theksuar se ka patur një ngërç të vërtetë në luftën kundër korrupsionit, krimit të organizuar. Sipas raportit në fjalë, një tjetër mangësi e theksuar ka qenë edhe mënyra e funksionimit të sistemit gjyqësor dhe atij administrativ. I vetmi vlerësim duket të jetë ai i mbajtjes në nivel të situatës së sigurisë në rrethana të vështira.