Mbledhja e radhes e Komitetit Nderministror te Integrimit (KNI) qe u zhvillua sot nen drejtimin e Kryeministrit Fatos Nano, pati ne rend te dites disa probleme te rendesishme. Ne fillim te mbledhj
Mbledhja e radhes e Komitetit Nderministror te Integrimit (KNI) qe u zhvillua sot nen drejtimin e Kryeministrit Fatos Nano, pati ne rend te dites disa probleme te rendesishme.
Ne fillim te mbledhjes Kryeministri mbajti nje fjalim te rendesishme, ku i beri nje analize progresit dhe problematikes te procesit te integrimit si dhe caktoi detyra dhe afate konkrete per permiresimin e kuadrit ligjor. Keto afate nenvizoi Kryeministri do te respektohen si detryrim ekzekutiv brenda muajve te ardhshem deri ne fund te ketij viti.
Ne kete mbledhje Ministri i Shtetit per Integrimin, Sokol Nako, i raportoi komitetit per rezultatet e takimit te V te Grupit Konsultativ te Perbashket, BE- Shqiperi, qe u zhvillua ne datat 24-25 mars te ketij viti.
Me pas Komiteti nderministror u njoh me informacionin e Ministrit te Shtetit per Integrimin per rezultatet e Raundit te Pare Teknik te Negociatave per Marreveshjen e Stabilizim Asociimit qe u zhvillua me 25 mars 2003. Perfaqesuesit e Momisionit te BE-se, tha ministri u shprehen te kenaqur per Raundin e Pare Teknik te Negociatave, i cili do te lejoje nje eksplorim me te thelle te marreveshjes. Ne kete raund u diskutuan elementet me te rendesishem mbi tregtine e lire, qe nenkupton jo vetem liberalizimin e tregut por, edhe te drejtat e vendosjes se shoqerive te huaja ne Shqiperi.
Ne piken e trete te rendit te dites, Komiteti Nderministror diskutoi rreth raportit vjetor 2003, te Komisionit Europian per Shqiperine, lidhur me procesin e Stabilizim Asociimit.
Gjithashtu Komiteti Nderministror i Integrimit u njoh edhe me pergatitjet per takimin e Grupit te Punes Ekonomi – Finance qe do te zhvillohet me 15 prill 2003, ne Bruksel dhe miratoi materialin percates.
Kryeministri kerkoi angazhimin maksimal te Komitetit Nderministror dhe ne teresi te ekzekutivit per permbushjen e detyrave te caktuara.