Mbremje artistike ne Akademine e Arteve

Ambasada greke ne bashkepunim me Dhomen Tregtare Greko-Shqiptare ka zgjedhur nje koncert me dy instrumentiste te njohur per te hapur punimet e forumit ekonomik per perparimin e marredhenieve ekonomike dhe tregtare te dy vendeve. Ne koncert morren pjese violincelisti Renato Ripo dhe pianisti grek Aris Garoufalis.

Ata interpretuan pjese nga autore bashkekohor grek dhe te huaj. I larguar nga Shqiperia 18 vjet me pare, Ripo ushtron profesionin e tij ne Greqi, por bashkepunon edhe me orkestra te tjera te huaja.

I pyetur per projektet e ardhshme ne Shqiperi, Ripo eshte ne pritje te nje propozimi qe i eshte bere, por qe ka mbetur ne heshtje.

“Ne Shqiperi pres per fondin e ekselences per te cilin u fol aq shume, por mesa duket nuk ishte kaq serioze. U fol per nje kontrate me tre koncerte ne cdo sezon, sigurisht une u pergjigja pozitivisht. Solla programet e mia, u caktua edhe periudha, por nuk pata asnje pergjigje. As negative. Une nuk e di nese duhet te jem ne pritje apo jo?”, eshte shprehur Ripo.

Projekte te konfirmuara jane turnete se shpejti ne Finlande dhe Spanje, koncerte ne Athine dhe incizimin e nje CD-je me pjese per violincel nga autore gjermane te ndaluar nga Reih-u i Dyte.

Edhe pianisti Garoufalis ka nje karriere te pasur artistike, me bashkepunime me orkestra te njohura ne Greqi dhe jashte.

Aktualisht drejtor dhe profesor pianoje ne Konservatorin e Athines, ai vleresoi artistet shqiptare ne Greqi. Bashkepunimi mes dy artisteve zgjat prej vitesh.

Kjo eshte hera e dyte qe ata interpretojne bashke ne Shqiperi.