Mbrojtja e plazheve, Ministria e Mjedisit gjobit me 54 milionë lekë subjektet private

Autoritet përgjegjëse në vend po respektojnë me përpikëri angazhimet e qeverisë për mbrojtjen e zonave bregdetare, në kushtet kur Shqipëria po shënon një numër rekord turistësh, çka parashikohet të shkohet drejt dyfishimit vitin e ardhshëm.
Frekuentimi në rritje për plazhet e mahnitëse në të gjithë vijën bregdetare të vendin, bën të detyrueshme marrjen e masave administrative për mbrojtjen e zonave. Kësisoj,
Ministria e Mjedisit deklaroi se ka vendosur në total 53 milionë e 580 mijë lekë gjoba si dhe ka pezulluar 17 subjekte private për ndotjen e zonës bregdetare, si pasojë e një aksioni rutinë. Kontrolli është kryer ndaj subjekteve që ushtrojnë aktivitetin e tyre në zonën e bregdetit deri në lokalitet e Korçës dhe Pogradecit, vende që frekuentohen si plazhe gjatë sezonit veror.
Drejtori i Kontrollit për Mjedisin, Alfred Deshati bën të ditur se nga këto inspektime janë vendosur gjoba që variojnë nga 100 deri në 1 milion lekë. Një çështje që është parë me rëndësi nga inspektorët e mjedisit gjatë kontrolleve të kryera prej tyre ka qenë shkarkimi i ujërave të zeza në det si dhe mbetjet spitalore nga subjekte shtetërore. Zona bregdetare e Durrësit, Golemit dhe Shkëmbit të Kavajës, e konsideruar si më e ndotura nga derdhjet në det të ujërave të zeza, tashmë ka shpëtuar nga ky makth, teksa Ministria e Mjedisit ka penalizuar kundërvajtësit si dhe ka realizuar shkëputjen e tubacioneve të ujërave të zeza që derdheshin në det. “Inspektoriati i Mjedisit në zonën e Golemit dhe në zonën e Shkëmbit të Kavajës ka realizuar shkëputjen e tubacioneve dhe ndërprerjen e derdhjeve të ujërave të zeza në det” - tha më tej, Alfred Deshati, Drejtori i Kontrollit për Mjedisin.

Disa nga subjektet e penalizuara për ndotje të vijës bregdetare

1. Bashkia Durrës, 1 000 000 lekë, për ndotje të vijës bregdetare në zonën e plazhit në Gjirin e Durrësit
2. Komuna Ishëm, Durrës, 1 000 000 lekë, për ndotje të vijës bregdetare në zonën e plazhit në Gjirin e Lalëzit
3. Bashkia Durrës, Ndërmarrja Komunale e Pastrimit të Plazhit 1 000 000 lekë, për ndotje të vijës bregdetare në zonën e plazhit në Gjirin e Durrësit
4. Janë penalizuar edhe disa subjekte të tjera private si disko, restorante dhe hotele, për mos ndotje të vijës bregdetare dhe ndotje akustike jashtë orareve të përcaktuara.