Mbyllen konsultimet ulja e tarifave do filloje ne mars
Autoriteti i Komunikimeve Elektronike dhe Postare ka mbyllur ne fund te janarit konsultimet publike per projektin e orientimit te tarifave te telefonise celulare dhe ne shkurt pritet qe komisioni i ketij institucioni te marre edhe vendimin. Kryetari i AKEP Pirro Xhixho tha dje per gazeten se nga ana e grupeve te ndryshme te interesit qe kane paraqitur sugjerimet e
tyre lidhur me projektin dhe modelin BU-LRAIC ka pasur disa propozime per ndryshime te vogla. Ka pasur disa propozime per disa ndryshime te vogla te projektit dhe kjo eshte normale pasi ai duhet ti pershtatet tregut te telefonise celulare ne vend por ne parim grupet qe kane bere propozimet kane qene dakord me projektin e publikuar tha Xhixho. Ai thekson se ndryshimet e propozuara do te diskutohen ne Komisionin e AKEP dhe me pas do te merren vendimet per pasqyrimin e tyre apo jo ne projektin final qe do te miratohet per tu zbatuar ne vijim duke filluar ne mars te ketij viti.
Projekti dhe tarifat
Projekti i hartuar nga konsulenti britanik i nenkontraktuar nga AKEP per uljen e pershkallezuar te tarifave te terminimit ne rrjetet celulare me orientim drejt kostos BU-LRAIC do te shtrihet ne disa faza. Keto te fundit do te zhvillohen per disa vite me radhe dhe faza e pare eshte pikerisht ne mars te ketij viti. Po keshtu nje faze tjeter e dyte per kete vit per uljen e tarifave te telefonise celulare parashikohet ne shtator. Tarifat do te ulen me shume per operatoret qe kane ndikim ne treg nderkohe qe per kompanite me me pak ndikim ulja do te jete me e moderuar. Sipas tabelave qe paraqiten nga AKEP tarifa me e ulet qe ofrohet sot eshte 10.5 leke per minute dhe kjo nga dy operatoret me te medhenj. Ne mars kjo tarife do te zbrese ne 8.85 leke per minute. Ne shtator tarifa me e ulet do te jete 7.57 leke kurse ajo me e larte 12.92 leke per minute. Projekti i AKEP synon qe gradualisht tarifat te ulen dhe te perafrohen me njera - tjetren mes kompanive. Ne shtator te vitit 2012 do te shtrihet faza tjeter e reduktimit te tarifave ku me e larta nder operatoret do te jete 8.42 leke per minute dhe me e uleta 6.1 leke per minute. Ne 2013-en reduktimi i tarifave do te barazoje tre nga kater operatoret qe jane ne treg aktualisht me nje tarife 4.57 leke per minute. Projekti ne shtator te vitit 2014 parashikon qe te kater operatoret te ofrojne te njejtat tarifa terminuese per thirrjet.
NERTILA MAHO